قوائم لا تقوم لها قائمة

date 2017/03/12 views 2148 comments 2

الحديث هذه الأيام، فقط عن الترقب المستمر للإفراج و"العفو العام" عن القوائم ومتصدريها من المصدّرين، وكأن المسألة "سر دولة"! لكن من يعرف خبايا التحضيرات لهذه التشريعيات وما سبقها من تعديل دستوري، وما جرى من ارتفاع مؤشر رجال الأعمال في بورصة السياسة والاحتمال الأكبر أن المستقبل يكون لرجال الأعمال في إدارة سدة السياسة، كما فعل ترامب حين حوّل البيت الأبيض وأمريكا والعالم إلى شركة خاصة يتصرف بقوانينها كيفما يحلوا له، يعرف سر الترقب والتخوف من سيادة الشكارة على الإدارة السياسية في ظل بداية انقراض الأحزاب المجهرية التي تحاول بيع نفسها كقطع غيار لا يجد من يساومها ـ كل هذا، ومع صمت الرئاسة والشائعات التي تعكر صفو الأمن السياسي العام، تجعل من القوائم "سر دولة" لا يعلن عنها إلا بشق الأنفس وكأنه بيان سياسي للأمة!

نمت على هذا التوجس والانتظار، لأجد نفسي أعلن عن قائمة المرشحين في حزبي ـ الذي لا نعتبره قزما، ولا عملاقا، ولكن نعتبره كسورة الفيل! اسمه أكبر من جسمه! والذي نفخنا فيه من روح المال هنا، ولهيه شق البحر وعولنا على الدخول في منافسة الانتخابات ونحن واثقون من تبوء مقعد في جهنم.. أي في الجنة!. اجتمعت مع المكتب السياسي المصغر ويضم فريقا من البشرْ فيه تسعة عشرْ! ورحت أعلن لهم عن القائمة التي حددناها للدخول في الانتخابات، قلت لهم بعد بسم الله إلى آخره..إننا متواجدون في 54 ولاية! قال لي أحدهم: وين هذا الولايات اللي راك تهدر عليهم؟ ليّه شحال عندنا من ولاية؟ قلت له: أنت ماراك فاهم والو: راني على المرشحين في الخارج.. وهذيك مش ولايات؟ "ديبارتيما نتاع مارساي"؟ "ديبارتيما نتاع ليون"؟، نتاع الحبوبة هذيك كي يسموها؟ تولوز؟ هذو مش ولايات؟! أحنا حزب دولي: أعطينا الدراهم للناس باش يترشحوا معنا لهيه! بصح واحد ولد الحرام، خرجنا من القصب، دّا الدراهم من عندنا وراح ترشح بهم في حزب آخر! والله ما يربح! والله ما نسمحوا له عند ربي! المهم: ها هي القائمة: عندك في الراص بوكعالة الحبيب، نتاع صطاسيون ديصانص نتاع الخرجة، بوكروش مصطفى، نتاع وزين الزيت، مفلّس الصادق، نتاع الكيران! وعندنا هذا المخلوقة مريم بوعويجة السياقة نتاع الحزب، رانا درنا فيها خير على الخير اللي دايراته فينا، راها مسكينة تخدم باطل! وعندنا آآسيدي "بطّي مزطوط"، نتاع مواد البناء! هذو هنا في الولاية، في الولايات الأخرى..مازال ما جاوناش الأسماء، بصح راني عارف غير الناس لملاح والنسا الملاحات! كاينين اللي شابات ويستاهلوا..كاين اللي عندها البروفي..وكان اللي عندها التكوين المهني في الحلاقة! المهم كاين كاين ماشاء الله! 

ويتدخل واحد مشرك الفم: وأنا علاش ما بغيتوش تدمروني معهم في القائمة وحنا أصحاب المكتب، علاش ما نترشحوش؟ قلت له: يااا.. يااا بنادم! ياك فهمتك: اللي يترشح يخص يكون عنده "هاذو"! واش يدير الحزب بواحد مزلوط باغي يترفه بربعين مليون في الشهر، ما تفوتش أنت، ويخسر الحزب! هذا الناس دفعونا المال ويدفعوا المال للمنتخِبين عليهم! يشريوا الأصوات كما نقولوا! أنت ما قادرش تشري حتى بَكيّة دخان، ومن الصبح وأنت علي: عطيني قارّو عطيني نشعل!

وقامت فوضى في المكتب بسبب هذه القائمة التي أشرفت عليها أنا شخصيا! البعض معي والبعض ضدي، أرغمت في الأخير على إنهاء الاجتماع!

وأفيق ولم أنته من النوم!

  • print