بوقالات17

الشاب‮ ‬مامي لزرق سعاني يا حبيبي وادي عنواني، جربت زهري مع الغريب والزواج معاه ما واتاني، انقلبوا عليا الناس واللي كانوا أحباب رجعوا هوما عدياني، وبعدما كنت أمير الراي ونجمة عالية في زماني، رجع اللي ما عندو شغل، عن قصة الشاب مامي يحكي واش بلاني!

فلة‮ ‬عبابسة
 ياما مشيت للبلدان وسافرت، والهم ديما ورايا، صرالي كي عرجون التفاح، عطشان والماء حذايا، قالوا فلة جاها سعدها متأخر قلت... المهم جاني وراهو معايا، فرحت دقيقة ومن بعد عرفت بلي المنحوس ما يحب هنايا، وبعد فضيحة مصر وسوريا نبقى ديما شكّايا وبكّايا!

نعيمة‮ ‬عبابسة
طلعت للغابة، صبت الضّرو يابس، قتلوا يا ضرو القمر يمشي ولا حابس، قالي مفرش زربية وحذاه طاوس، سقسيتو وقلت شوفوا ايلا كان حاب نغنيلوا كي يعرس، قالي لالا... هذا طاوس شباب من برا، بصح وجهو ديما عابس!

الشاب‮ ‬أنور
جاز على باب دارنا، شاب ظريف وخفيف يسموه أنور التلمساني، قتلو يا الشباب بالاك في الغنية الجاية تنساني، قاللها والله ما ننساك، ونصيبك على ربي جاه وسلطاني، بصح حتى نشوف أنا قصتي مع اللي رماني!