عمارة الحاج لخضر.. (الكرية) بالدراهم والهدرة باطل!
يقرأها: قادة بن عمار
حيانا وبسبب غياب مادة صحفية جيدة في قناة (ماعندناش وما يخصناش) نجد أن جميع العاملين في القناة والمحررين للنشرة يتهربون من رئيس التحرير »أسمر يا سمراني من قساك عليا
وعليه اقترحنا على زميلنا في القسم الفني والذي أمضى فصل الصيف كاملا بين مهرجان ومهرجان، حتى أن عائلته (تلفاتو ونسات ملامحو).. أن ينجز حوارا سكوب مع الممثل والمنتج والمؤلف (وقريبا جدا الملحن والمغني) لخضر بوخرص حول نجاح مسلسله عمارة الحاج لخضر، فكان أن حدد موعدا معه مباشرة عقب انتهاء الجزء الثاني والذي قيل إنه كان ناجحا لدى البعض، في حين قال البعض الآخر إنه كان (مونولوج) وفاشلا بامتياز.
وقد بدأنا أولا بسؤال الحاج لخضر عن قصة تهميشه للممثلين والمخرج وكاتب السيناريو، لكنه رد مباشرة وبدون تفكير وكأنه يتكلم مع الحاج تواتي.. »والله راك حاب تنارفيني كيما جواريني ولا نسيت بلي أنا هو الحاج لخضر مول العمارة«.. أجبناه: »ولكن يا الحاج نحن صحفيون ولسنا جيران عندك أو كرّايين في عمارتك«.. رد الحاج لخضر الذي كان يلبس كوستيما لأن المسلسل انتهى وتهنّى من القندورة.. »صحفيين على رواحكم.. علا بالكم بلي قاع القنوات راها تحوس عليّ باش تكرمني وصاحبي حمراوي قالي بلي الفنك الذهبي راهو في الجيب وطلب مني الإعداد لجزء ثالث«... وحتى نتجاوز هذا الخلاف بيننا وبين الحاج المعروف بأنه آلة هدرة لا تتوقف عن الإنتاج والإنتاجية.. سألنا الحاج الزعفان من حيث انتهى في جوابه الأخير »لكن يا الحاج ما رأيك في المسلسلات الأخرى ألا يمكن أن تكون منافسا لك«؟.. رد بسرعة »لا منافسين لا والو.. أنا وحدي نضوي البلاد في غياب منافسة سونلغاز، إذا راك تقصد مسلسل قلوب في صراع فهو ضد المصالحة وإذا كنت تقصد البذرة فهي بذرة مسوّسة، أما عائلة الجمعي فيروحو يفركتوها خيرلهم«.. هنا عرفنا بلي السي لخضر ما يزال يعيش دور صاحب العمارة فقلنا له على الفور.. »هناك من يقول يا الحاج بلي العمارة أنتاعك مارست فيها الدكتاتورية وتحكمت في جميع الناس وتحولت إلى أستاذ رغم أن المستوى نتاعك...« وقبل ما نكمل السؤال كان لخضر بوخرص قد نهض من مكانه وترك الاستيديو وهو يصرخ »أوّاه نتا راهم محرشينك عليّ اليوم، روح تكرمس على روحك وهاذي القناة غير بلعوها خير... ونزيدكم حاجة عومو بحركم، واللي راهم يقولو همشتهم أنا اللي خلصتهم.. وعمارتي خير من عمارة الحاج يعقوبيان وشنانة في اللي ما يبغوناش«.. هنا كان لابد أن نوقف الإرسال لأن لخضر بوخرص لم يرد التوقف عن الكلام.. فعلا الهدرة باطل!
عدد القراءات : 9752
أرسل إلى صديق
نسخة للطباعة
التعليقات (127 تعليقات سابقة):
وسأتحصل على اوسكار.............
وأنا شخصيا كنت أشاهد المسلسل....لكي أتسلى فقط......لأن المسلسل لا
يهدف لأي شئ سوى التسلية..... بعد صيام يوم ساخن...............
وأخاف ان يقول الحاج لخضر ماقالته السيدة...... راشدي عن السوريين
والمصريين وان يقارنوا انفسهم بهم.................
واش من رسائل كنت تقدمها
راه الشباب عاف عاف نتاع الصح و اش راك تقدم
الحرقة الرشوة ايييهه شية شية و الشعب كامل علابلو راك تحوس على العهدة الثالثة اااه الجزء الثالث بعد متلقيت العديد من رسائل الشكر من الوزراء و الحكومة
رغم اننا كنا نتمانو تبدلو هذا الستيل نتاع الزعاف لجزائريين
و سمحلي قلك بالي السنما الجزائرية الكوميدية كي قدمت قدمت ناس ملاح سيتي غيرها وااااااااالووو
تواضع تواضع راه الغرور داك
ثم ان في مضمون الحلقات الموضوعات كان هادفا لكن الطرح كان اجوف و لا قيمة له حتى انك تغير القناة بنرفزة من الاخطاء التي وقع فيها السي لخضر
لكن ماذا عسانا ان نقول البقرة هاذا ما حلبت كما نقول بالعامية و مادام السي حمراوي حبيب شوقي يحابي هذا و يجامل ذاك باسم الصداقة كما قال السي لخضر انه صاحبه و سيرشحه للفنك الذهبي الذي هو رئيسه يعني زيتنا في دقيقنا و المصالح تجتمع و ربحت البلاد
لي عتاتو ليام يحسب روحو سبع الناس لا تامن فى ضحك الخدع
حت رجليك فالارض
حاسب روحو يفهم في كلشي وهو 0في 0 فاقد الشيئ لا يعطيه
خسارة الدراهم في هداك المسلسل حرام عليك يا حبيب شوقي هدا المسلسل الفاشل تبدير والناس جيعانة
مسلسل ناجح فقط بالنسبة للانتاج الجزائري الفاشل .
هذا مستوى إنتاجنا الدرامي فلا نلوم أحد
نحن لم نقل أن عمارة الحاج لخظر انتاج سنمائى على المستوى العربي ولكن من حيث المستوى المحلي فهو ناجح
أرجو النشر يالكنترول فكل تعليقاتي دائما لاتنشر
وعمارة الحاج لخضر= لكم الحكم
منغطيوش الشمس بالغربال
ربي يهديكم
كل عمل عندو نقائص.... واللي يحب يكملها يهدر في المفيد.
الآن نوليو إلى مول العمارة والله والله * في إعتقادي * لوكان كامل العمارات راهم كيما عمارة الحاج ماتشوفش هذاك الديكولاص وهذاك الزبلو الخراب و اللومب مسروقين .... كل واحد أنا وأنا وتقول مشي هو ساكن في العمارة خلااااااااااص وهذيك قضية ضرب المرآة مام إلا حرضو كي تكون تستاهل والله تتديهم باش تتربى --** وأضربوهن**-- في آية ولكن عند الضرورة القصوى وعند آخر حل
صح فطوركم والسلام عليكم
كون تهدرو على الانتاجات الاخرى التي ليس لها معنى ماشي خير كيما مسلسل قلوب في صراع اللي مافهمت فيه والو السيناريو تحت الصفر مانعرف سيناريو مسلسل مدبلج ولا مصري مي مستحيل هذاك مجتمع جزائري ولا التمثيل حدث ولا حرج الا من رحم ربك واجبرته الضروف على قبول اي دور
هذاك عندو 15 يوم او هو يهدر
ماقال حتى حاجة فايدة.............
hadj lakhder c'esi le n 01 pour tous les temps
ce journaliste n'est pas de haut niveau .
desolé.
الحاج لخصر دار حاجة مليحة مشي مليحة هذا مشي نتومه لتقولو هذا
الي يبدا تكسروه ومنبعد تقولوا معندناش .
بلاك عجبتكم بيونة واش راها الدير هذيك السنما لتحبوها .
تنتقدو فيه en dirait قادرين تجيبو خير من هذا العمل
واش راح يخرج من اليتمية
الحاج فور صح
نولوا نتفرجوا غير "الشعبي" وقت المغرب
يا بوخرص اتقي الله فينا، فنحن لسنا شعب جاهل لكي "تلعبهالنا" ياو نعرفو المنتوج الجيد من الردء والمنتوج تاع السي لخضر تافه و سيء.
- ونقول لخضر أنه يوجد كتاب سيناريو يحبسولو راسو. ثلاثين مليون جزائري فيهم الواصلين.
- انسان جاهل كما لخضر ماعندوش وين يروح بعيد لأنه مركب روحو حاليا على علاقات صحيحة مع الفوق. أما بعد فباي باي.
- ملي نعرف صلاحي، والحاج لخضر يلعب شخصية وحدة، عمرو ولا حسن من أداء التمثيل تاعو، أي أنه يمثل بالشخصية الحقيقة تاعو.
- كفاكم عبثا
ولاه حيرتي عليكم ....................
و الغاشي يحب ذاك اللقطات المهبولة و كلا م لخضر لدليل على ذلك
السيناريو فارغ تقول خلاصت الهدرة ما فهمت وهتو
يا سيدي أشكروه و اذكروا الايجابيات وما عليهش تنبهوه لبعض النقائص .
الله يهدي الصابوطاتووووررررر
Bravo si Lakhdar tu es magnifique
.
tous vos programmes sont nuls sans exception....
عمارة الحاج لخضر تعالج مواضيع حساسة بطريقة فكاهية وهدا هو سبب نجاحه وهدا المقال ماكاش منو الحاج لخضر مايهدرش هدي الهادرة ربي يهديكم
انتما جيبو الهدرا اومبعد تفبريكوها كيما تحبو و سموها اللاعيب الصحافة لكن راكم زودتها بزاف بزاف امال روحو شوفو حاجة صـــح تعايي كيما حال و احوال هذك المهزلة تاع القرن
و لـــكن للاسف على حالنا.........
تقبلوا رأي
أضف تعليقك