لا سنة بيضاء.. وتأجيل البكالوريا إلى سبتمبر وارد

بالنسبة للبكالوريا تفتح الدراسة في فصل الصيف صباحا فقط الساعة السادسة والنصف للجنوب والسابعة و النصف لباقي المناطق حسب برنامج يعتمد على المواد موضوع الامتحان فقط ، السنة الرابعة متوسط نفس الشيئ وتجرى الامتحانات في نهاية شهر أكتوبر، أما باقي الأطوار يكون الدخول المدرسي في الفاتح من نوفمبر لغاية شهر جون 2021 تتخللهما عطلتان بأسبوع واحد فقط

من رايي الاقتراح الاخير احتساب الفصل الاول و التاني بالنسبة للبيام و السانكيام اما بالنسبة للتلاميد الغير ناجحين فيعيدون السنة اما الباكالوريا يرون سرعة تفشي الوباء و هل بدا يتراجع تم يحددون وقته

اولا ندعو الله عز وجل ان يرفع علينا هذا الوباء,
ثانيا :بالنسبة للتلاميذ المقبلين على شهادة التعليم الابتدائي و المتوسط حسب رايي كولية تلميذ و اعتقد انه راي الكثير من الاولياء و ذلك بان يتم حساب مجموع الفصل الاول و الثاني تقسيم اثنان ومعدل القبول يكون تسعة .
اما البكالوريا فاذا زال الوباء فانهم يمتحنون في سبتمبر و ذلك في دروس الفصل الاول والثاني فقط,
فابناؤنا اليوم يعيشون في حالة اكتئاب فالدول الاخرى تفكر في كيفية حماية و انقاذ التلاميذ اما دولتنا نحن فتهمها انقاذ السنة الدراسية حتى لو مات التلاميذ (بعيد الشر) بهذا الوباء الخبيث,
ادعو الوزارة الى التفكير الجيد دون التسرع في اتخاذ القرارات,

ماشي ڨاع الناس راهي خايفة من السنة البيضاء كاين ليراهم باغيينها كيما انا نشاله باش ندي المعدل العام الجاي 16 ماشي 14 قريب15

نشالله ياربي مديروناش عفسة تع فصل 1 و ثاني كاين بزاف تلاميد يعتامدوا على فصل 3 لنجاح خصوصا هدوك لقراب من 10 مع علم ان فصل 3 هو اسهل فصل

حرام عليكم ولي مراوش خادم فافصلين يعاود العام مسكين

حرام عليكم ولي ماش مليح في الفصل الاول و الفصل الثاني واش يدير يسما تضيعولو فرصة تاع الشهادة و تعاودولو العام و الله غير حرام عيكم

تسما بيام نديروه ولا لا و اذا نديروه وقتاش ماشي خير تنجحونا لان كاين تلاميذ يفهموبرك مع اساتذة تاوعهم او لوكان ميفهموش ني من تيليفزيون ني من يوتوب تسما كيفاش نديرو

تسما بيام نديروه ولا لا و اذا نديروه وقتاش ماشي خير تنجحونا لان كاين تلاميذ يفهموبرك مع اساتذة تاوعهم او لوكان ميفهموش ني من تيليفزيون ني من يوتوب تسما كيفاش نديرو

ماتخافوش على الانتقال .يطلعو كامل شغل الباك تع هدا الوقت كامل يدوه غيرالي مايعرفش يكتب اسمه في الورقة.خافو على ولادكم من كورونا كتروحو لسبيطاربعيد الشر.وحاسبو روحكم كولادكم مايزيد والو في مخهم رغم الوقت الطويل الي عندكم وعندهم وتاكلين على المنضومة الفاشلة.والشيخ والسيبار اللي يدير البحوث في بلاست ولادكم والدروس الخصوصية..

أحسن حل سنة بيضاء واحتساب المعدلات للفصل الاول و الثاني واللي طلعلو 9:50 ينجح وبهذي الطريقة منضلموش التلميذ ونحافظو على صحتو ⁦??⁩

السلام عليكم أريد أن أضع رأيي الخاص فيما يخص الفصل الدراسي الثالث بأنه صحة أبنائنا خير من تحصلهم على شهادة الدكتورة لأن الدنيا لا تنتهي بي فيروس كورنا وكما يقول المثل الشعبي لي يبغي يربح العام طويل وشكرا

اسمعو لي راهم يقولو كاين تلاميذ مساكن ماحالفهمش الحظ في الفصل الاول والثاني و معتمدين على الثالث حبيت برك نقوللكم بلي واحد ماقاللهم يتهاونو في هاذ الزوج فصول و يروحو كالاغبياء يتاكلو على الفصل الثالث باش يتعلمو بلي من جد وجد ماشي في آخر لحظة و الندامة تجي ملخر

مكانش تاع يحسبو تاع فصلين و لي خاصاتو شوي باه يطلع يا سنة بيضاء يا حل واقعي يخدم مصلحة التلميذ

ولي تكون خصاتو غير شوي وينجح وديرو غير فصلين كيفاه نديرو

الوضع خلاص ... الشعب ماراهش يخرج من الدار وراهم يزيدو يمرضو .... احشمو خلاص وقولو للناس بلي خلاص سنة بيضاء لا رجعة فيها باينة هادي .... كيفاش تمنع التجمعات ونهار ترجع لقراية يتجمعو فالساحة عادي ... بركاونا من التمسخير لوكان ترجع لقراية سيكون الوضع كارثي اكثر ... واللهم ارفع هذا ابلاء

وماذا عن التلاميذ الذين لم يكن لهم الحظ في الفصلين الاول والثاني
يجب البحث عن حلول واقعية تخدم مصلحة التلميذ

لانقاض ما يمكن بتدبير متأني و يراعي جميع الجواب:
1-الانتقال للأقسام غير المعنية بالامتحانات الرسمية يحسب ث1+ث2 و في سبتمبر الاستدراك (الأسبوع الراابع)
2-أقسام الامتحانات الرسمية (نهاية مرحلة الابتدئي+المتوسط+البكالوريا) تجرى في الأسبوع 3-2-1 على التوالي من شهر سبتمبر.
3-الدخول الاجنماعي بالنسبة للتلاميذ أول أكتوبر سنوات الآنتقال و الالتماسات بعد ظهور نتائج الإمتحانات الرسمية.
4-بالنسبة للأساتذة 30/08/2020.
5-الإداريين 23/08/2020. تبقى المؤسسات في حالة خدمة دنيا للتنظيم باحترام التدابير الصحية الوقائية إلى غاية 30/06/2020.

نسأل الله الفرج من هذه المحنة التي عمت العالم بأسره .نطلب من الوزارة الاتجاه للاختيار الثالث مباشرة لأن الوباء في تفشي ولا يمكن للتلاميذ العودة للمدارس خاصة أنهم تلقوا أكثر من 80% من الدروس

الحل اعطاء شهادات البكالوريا مجانية بلا اختبارات لان المستوى العالي لبكالوريا انتهى في 1999 اما الان تلميد ينال الباك او لا يبقى مستواه ضعيف

نشالله ياربي مديروناش عفسة تع فصل 1 و ثاني كاين بزاف تلاميد يعتامدوا على فصل 3 لنجاح خصوصا هدوك لقراب من 10 مع علم ان فصل 3 هو اسهل فصل

انشاء الله تأجل البكالوريا الى غاية سبتمبر المقبل
على الاقل تزيد نسبة النجاح

اللهم ارفع عنا هذا الوباء وتعود الأمور لطبيعتها

في حالة ما إذا تعذر الالتحاق بالمدرسة، اقترح تخصيص قناة تلفيزيونية لكل شعبة يتابعها التلميذ في بيته بالتوقيت الزمني المناسب لكل مادة كما لو كان التلميذ يدرس في المدرسة ولجميع السنوات والمستويات .اما الاساتذة الباقين فالنقائص كثيرة يمكنهم اكمالها .

اللهم ارفع البلاء و المحن عن المسلمين

يا ربي واشفينا وسترنا ورحمنا المدرسة هي كل شيء بالنسبة لي هي سبب عيشي لا استطيع ان اتحمل اي تأجيل يا ربي و تسير الأمور على خير ما يرام ويرجع كل شيء الى مجراه وباء كورونا ما هو إلا تحذير من الله ليعيذنا الى الطريق الصحيح طريقة الهداية والفلاح

اللهم ارفع هذا الوباء عنا و اضرب الظالمين بالظالمين و اخرجنا من بينهم سالمين . انا اقترح التفكير بسرعة لاستعمال المجال الرقمي لاستدراك الدروس اي عن طريق الانترنت و ان تكون مجانية للمتمدرسين على ان تكون الامتحانات النهائية بتوزيع التلاميذ او الطلاب في كل أقسام المدارس و المتوسطات و الثانويات حيث نخصص كل 7 او 6 ممتحنين في قسم واحد مع استاذ واحد و ان نخصص امتحانات الابتدائي في ايام معينة و امتحانات المتوسط في ايام اخرى و كذلك امتحانات الثنوية في ايام اخرى و هكذا تتسع الاقسام لاجراء الامتحانات بطريقة آمنة اي بتباعد الممتحنين على الاقل 2 م بين ممتحن و ممتحن . كما نقترح تقليص عدد ايام الامتحان

يا ربي ارفع عنا هذا الوباء فنحن من أمة حبيبك المصطفى عليه الصلاة و السلام.و أنا أرى في حال ما زال الوباء أن تكون هناك فترة أمان بين نهاية الوباء و بداية الدراسة حتى تتأكد الأمور بصفة كاملة.اما البكالوريا فإذا أجلت من الأحسن أن تكون في الصيف لأن سبتمبر هو بداية الخريف و هو ليش آمن اللهم إلا إذا كان هناك دواء أو لقاح.اللهم احفظ بلادنا و سائر بلاد المسلمين.ادعوا الله معي

ال المعلقين 1 2 كفانا سخرية

انا بدوري كجزائرية أدعو ألله أن يرفع البلاء و ترجع المياه إلى مجاريها و في نفس الوقت تحياتي الخالصة إلى القائمين على محاربة انتشار الفيروس و القضاء عليه انطلاقا من المواطن البسيط إلى السيد الرئيس و شكري الخاص للسيد وزير التربية و اعوانه على إيجاد التدابير و الحلول في كل موقف ينصركم ألله جميعا و سدد خطاكم (ليست مجاملة و إنما اعتراف خاص للجميع خاصة القطاع الصحي ، الدولة في محنة كبيرة الله يخرجها منها )

اذن ماهو الحل في نظرك ؟
هيّا أعطينا الحل من فضلك وقل لنا ماذا سنفعل اذا بقي الوباء حتى سبتمبر ؟

أنا متأكد أنكم سوف تحدون حدو فرنسا مثلكم الأعلى والدي خلاها على الجزائر

.واذا انتشر الفيروس ..وزاد انتشارا....هل ستجرون الامتحانات في موعدها..سبتمبر .....ام سترحلون المترشحين الى المريخ...؟