إلزام المشاركين في مسابقات التوظيف بدفع مبالغ ما بين 2500 و5000 دينار

السلام عليكم و رحمة الله و بركاته
إخواني الشباب الكرام خاصة البطالين منكم لأن الموضوع يخصنا لنحسبها بالعقل: انا جامعي متخرج سنة 2003 مقيم بالشلف أعتبر حالتي مثال أقيس عليه لا على سبيل الحصر إتبعوني وأحكموا.
- حقوق المشاركة في المسابقة : 2500 دج (أقل تقدير )
- تكوين الملف و إرساله للإدارة المعنية: من 150 دج ما فوق.
-يوم المسابقة : * إن كانت المؤسسة المسؤولة عن المسابقة تقع داخل ولايتك : التنقل + الأكل + مصاريف مختلفة التدخين ، قهوة ما شابه ذلك..: من 250 دج ما فوق.
* إن كانت المسابقة خارج الولاية: التنقل( ذهاب، إياب ) + المبيت+ فطور + عشاء + مصاريف أخرى : 1500 فمافوق.
المجموع : 4400 دج .
ملاحظة : 1- هذه مصاريف المشاركة في مسابقة واحدة و ليست لها أي علاقة بالنجاح في المسابقة من عدمه
2- هذه الحسابات لي شخصيا و أعلمكم انها حسابات واحد مشحاح أو بالأحرى ماعندوش فما قولكم في من يشارك بمسابقة بـ 5000 دج و يتنقل خارج الولاية و يشارك في أكثر من مسابقة .
3-أنا شخصيا شاركت في أكثر من 30 مسابقة منذ 2005 وحتى الآن لا أؤمن لا يالنزاهة في نتائج المسابقات ولا في التوظيف في الجزائر بصفة عامة.
لذا أقول لوزير التعليم العالي و البحث العلمي رأينا كيف تتستقبلون المترشحين و كيف توفرون احسن الخدمات و كذا مدير الوظيف العمومي لعلمكم فقط أن أي حراق جزائري على الأقل الجامعيين منهم أو إنتحار أو ما شبه ذلك من الحلول الميؤوس منها أنتم مسؤولون عنها و كل شخص صادق على هذا القرار او شارك فيه من قريب أو بعيد.
حسبنا الله و نعم الوكيل في كل من ظلمنا .و أقول لإخواني الشباب الشدة في الله و الله موجود و بعد الشدة يأتي الفرج و والله والله والله ستتغير الاوضاع للأحسن بإذن الله

ربي يهديهم برك الدنيا راهي فانية وغدا الحساب عند ربي سبحان
المهم نقول حاجة لشباب روح تخدم في الشنطي ومتمدش الرشوة خليك من المسابقات تاع الدزاير راه تاع ولاد القيادة برك الزوالي والله مايسال في الجزائر شعرة راه ليهم الدنيا وحنا معنا ربي حسبي الله ونعم الوكيل

حسبنا الله و نعم الوكيل .

من خلال هذا القانون الجديد إتضح لي أنه يقول للشباب أسرقواوحرقوا (الجزائر مدير بيكم والو)
لا مال+لا خدمة+لا زواج= الضياع
هذه هي النتيجة وبالتالي فساد وضياع المجتمع