فضوليات

عدد أوت 2016

 1-ها قد انتهى رمضان، شفت لو صُمت يا فضولي؟

عديلة.و/باب الوادي

**واش دخلك..كلّ شات تتعلق من رجله..خممي على روحك.

2-مرة أخرى لم يعينوك وزيرا في الحكومة الجديدة؟

رابح.ج/السيقر

**خمّم على روحك..جدك فضولي راهو زاهد..شوف مع فضولية هي ألي كانت تستنى في “التور” أنتاعها.

3-أين ستكون وجهتك في فصل الصيف وموسم العطل، إلى تركيا أم ماليزيا؟

سميحة.ج/الاخضرية

**لا الأول ولا الثانية..بل أنا وحبيبي في الجبل انلقطو النوار في الدوار.

4-الحرارة هذا العام تجاوزت معدلها المعروف عند الجزائريين، ما هي حيلتك لمواجهة لسعاتها يا سيخ؟

فاتح.د/ورقلة                                  

  **صحّ..الحمّان راهو هردني..الحمد لله كاين فضولية زادت زهاتني بالبركوكس في عز الصمايم.

5-غول فضل بعد تنحيته من الحكومة الترويج للسياحة عبر الفايسبوك..قبل أن يعيّن سيناتورا؟

حميد.ف/بني سليمان

**واش اتحب..العبها مهبول أو غول تشبع كسور.

6-ماذا فعلت عندما قطعت بن غبريط الانترنت لمنع التسريبات عن البكالوريا الثانية؟

سيد علي.ب/المسيلة

**دوّرتها حروز وكليتا لجوز وقلت لبن غبريط أنا شيخ وأنت عجوز.

7-سمعنت يا فضولي بلي عند بنت أمورة..راني قصدت بالحسب والنسب؟

فاتح.ج/سيدي موسى

**روح تلعب على روحك..إذا جبت حليب العصفور راهي ليك وما تعييك.

8-قوات الزلازل يا فضولي الله يجعل الخير؟

الربيع.ح/بسكرة

**وإذا أخرجت أثقالها قال الإنسان مالها؟

9-وما رأيك هو تقييمك للبكالوريا الثانية؟

مترشح للباك

**كي سيدي كي لالا..التسريبات والغش فيها فيها.

10-وين الهربة وين يا فضولي..العيد الصغير وراءك والعيد الكبير أمامك، لا مفرّ من الزلط؟

عيشة.ن/المدية

**زلط وتفرعين..المهم ما ما يكونش فيها تمهين في فتون الترعوين.

11-كم صرفت في رمضان والعيد..اعترف بالحقيقة؟

راضية.ز/تنس

**اسألي فضولية إن كنت شجاعة فهي وزيرة المالية والداخلية؟

12-ما رأيك في نتائج البكالوريا؟

عبد الله.ك/تيارت

**ألـّي قرار قرا بكري.