فضوليات

عدد أفريل 2015

1-لماذا لم تلتحق بإضراب الأساتذة والمعلمين؟

 معلم متقاعد

**راني “مقرّف” من عام البو يا معلم.

2-وماذا عن قصف الطيران المصري لمواقع في ليبيا؟

 فاتح.ج/القل

**آه لو كان البطل عمر المختار على قيد الحياة.

3-وزير التجارة عمارة بن يونس يعترف ويقول بأن الأسعار خرجت عن سيطرة الحكومة؟

حميد.ب/بني عمران

**والاعتراف سيّد الأدلة..وهذا دليل على أن البارونات واللوبيات تلعب برزق الأغلبية المسحوقة من شعيب الخديم.

4-وما رأيك في أحزاب المعارضة التي فشلت في تحريك الشارع وتجنيده؟

سيد علي.ن/ العاصمة

**لا رايي ولا رايك ولا “راينا راي”..كي سيدي كي لالا ياو “الغاشي” فاقو والجاج يقاقو.

5-هل صحيح أنك استفدت من شقة فاخرة تحت الطابلة..آه يا واحد الباندي؟

ربيع.خ/سيدي موسى

**ما تبيعش ونعطيلك “طاقة” تركبها في الدار ألـّي رايحين يعطوهالك كاش عام..هههههههههههههههه.

6-سمعنا بأنك “خسرت” معركة القرعة لزيارة بيت الله الحرام؟

علي.ب/العاصمة

**واش تحب يا سي علي..لعبوهالي، بصحّ رايح أنحجّ بلا مزيتهم وبلا مزيّة قرعتهم.

7-كيف تفسر ارتفاع أسعار البطاطا إلى أكثر من 100 دينار في وقت يُرمى فيها المنتوج في معسكر مثلا؟

 فلاح مبتدئ

**راك مبتدئ..خليك في نيتك..مول النية إذا ما ربح يسلك على خير.

8-سمعنا بلي الحالة “راهي مهرودة” بينك وبين فضولية؟

 حميد.ك/الأربعاء

**بعيد الشرّ يا واحد الماكرو..راك حاب تخلطها وتقعد على تلها..ثكلتك أمك.

9-ما هو تقييمك لتجمع المعارضة بالعاصمة في ذكرى 24 فبراير؟

 ربيع.ح/زرالدة

**الغاشي كره والساسة ما حبوش يكرهو..هذا قلب وإلاّ بطل.

10-راه ربعت الحالة يا فضولي..كاش تحويسة؟

  سعيدة.م/ القلّ

**والله غير فضولية راهي تحارب فيا باش نروحو نحوسو ونتفكرو يامات الصغر.

11-ماذا تقول لبن غبريت؟

معلم

**احذر..الكبريت وكولي الفريت وعنداكي تحرقت الزيت.

12-ماذا اشتريت لفضولية في عيد المرأة يا جدو؟

عديل.ص/العاصمة

**غنيتلها غنية: راهي زعفت راهي تنوات جيبلوها حبة لحوة.