الأسلاك المشتركة لقطاع التربية تقرر إضرابا وطنيا

c'est pas facille de vivre avec un minable salaire

إلى التعليق رقم 2 يا سي رشيد راهم يتكلمو على عمال الأسلاك المشتركة ماشي على المعلمين و الأساتذة كبما تخمم على نفسك خمم على خاوتك الزوالية كشما واحد قعد يسلك 18 ألف و رب لعائلة 6 أفراد كلغ بطاطا 6 ألاف كلغ بصلة 10 ألاف وين رايحين 4 ملاين ماتكفيش مع غلاء المعيشةالشعب راهو مليح لي طرطقهاش على راسهم واحد يدي بشكاير و الزوالي مثل الكناس لي يهزلهم في الزبل نتاعهم حشاكم يخلص 15 ألف و يديهم بالتريولة و يوجدكثير من أمثال الزوالية أنا مع الإظراب إلى الأمام حتى نديو حقنا.

والله عار على هذا الشيء يصرى في الجزائر ديما الاساتذة ولاالاسلاك هم الركيزة رقم1 في التعليم ربي يهدي

غلى صاحب التعليق ؤقم : 2 / باين انت لا باس بيك ؛ قولي انت لا تقدر تعيش بــ 20.000 دج في الوقت هدا . ما لا احشم انت على روحك.

كل يوم ومن كل سنة نسمع إضراب في التعليم على هذا الطلبة خرجو حمير القطاعات الاخرى ميعرفوش يزيدوهم عنا غير التربية وقيل نسموهم الدولة الجزائرية للتربية والاضرابات شوفو القطاعات الاخرى مثل الوكالة الوطنية لتطوير الاستثمار ( وزارة الصناعة) و التجارة .........اخ هذو معندهمش النقابة مالي لا زيادات علاه يحم والديكم حسبيا الله ونعم الوكيل ان الله يمهل ولا يهمل.

رقم 2 باين عليك أمبوقل كيفاش الدولة تقيم القدرة المعيشية للواطن البسيط ب 35000 دج شهرية الشرطي ( زفارة) واحد خدام بسيط في المدرسة ( عساس) تعطيلوا في 20000 دج راهوا مواطن من حقوا يعيش ( شرطي (زفارة) = عساس (المدرسة))

إلى وزير التربية الوطنية ياو المحاسبة عند الله

الهدرة بزاهف و القبض اجيب ربي يدر لتاما تاع التكوين وكتاش يتحركو اوووووووووو.......راكم صحيتو

الله يهديك اسكت مراك فاهم والو حت تفهم هذا الاضراب تاع من و حل فمك ياخي غير ادخل في روحك هذو مساكن عمال بسطاء محقورين وحقهم صايع من حقهم يديروا الف اضراب ويغلقو جميع المدارس تقابرو غير فالزوالية ياك الاساتذة شبعوهم زيادة غير هذا الفئة المهمشة كان جات عندك عائلة من 06 افراد اسكو تقدر تعيش بهذا الخلضة تاع ادماج.....

كان جات عندك عائلة من 06 افراد ونشوفو الى تقدر تعيشهم مليح بهاذ الخلصة الي ماتكفيش حتى واحد براسو وماتنساش الاساتذة الى راك تهدر عليهم كامل شبعوهم زيادات اما هاذ المحقورين تاع الاسلاك المشتركة هما الى راهم يطالبو بحقهم انت مراك فاهم والو همالا اتلاها بمسلسل شكيب خليل تاعك ......

الدين النصيحة ونصيحتي إليكم ياعمال التربية ان ما لم تفتكوه من حقوق وانتم في الميدان ضاع منكم ولن تنالوه وانتم في حالة تقاعد خذوا العبرة منا "لا صدر حنين ولا راحم يرحم " كما قال بالوهراني المجذوب رحمه الله . حتى اللي خاطيه يدز معاهم ضدكم : قال لك كرهنا إضرابات قطاع التربية وكأنه لا يعلم أننا في التعليم لا نطالب إلا بتعوضنا عن تدهور القدرة الشرائية ويعذرون بالمقابل قطاعات أخرى حباها الله بالمال أو السلطة ولا يخافون الواحد القهار.ليسمحوا لي فانا أضم صوتي إلى عمال قطاع التربية وأُطالب بتعويضهم .

كرهنا من اضرابات عمال قطاع التربية, ما حبيتوش تحشمو على رواحكم؟ الدراري نقصولهم الحصة 45 دقيقة , الاستاد يقري 18 فالاسبوع و قدام باب دارو,, عامل سوناطراك يخدم 12 ساعة في نهار واحد لمدة شهر و هو في قلب الصحاري متغرب على ولادو,,, خلونا مع مسلسل شكيب خليل يرحم باباكم,,,

ساهل ماهل
قا طعوا كل شئ حتى الانتخابات
في المقاهي كاين للي يخدم و ما يهدرش