تجدد الاحتجاجات و المواجهات بالعاصمة و عدة ولايات

حل في هذه الازمة إقلاة الحكومة وتقديم وزير الاول في المحكمة
وفتح تحقيق في جملة الفساد المالي ومجموعات السياسات المنحريف

جميع الناس ضد التخريب ولكن هل يصغى لنا الا بالتخريب . في مدينة جيجل حرق مركز التجاري فيه حوالي 170 محل تجاري لشباب الولاية سؤال كيف حرق ...الجواب علامة استفهام لمذا حرق في هذا التوقيت بالذات .....الجواب علامة استفهام هل الموضوع له علاقة بالزيت والسكر و الفرينة .. هل هل هل ..........

@فتحي يا اخي الفتنة اشد من القتل راك باين ماكش واعي شكون قالك بلي باتنة مخلطة رانا في رحمة ربي ما تقولش حاجة ما شفتهاش

Rabbi yekchef esserakines

جميع الناس ضد التخريب ولكن هل يصغى لنا الا بالتخريب . في مدينة جيجل حرق مركز التجاري فيه حوالي 170 محل تجاري لشباب الولاية سؤال كيف حرق ...الجواب علامة استفهام لمذا حرق في هذا التوقيت بالذات .....الجواب علامة استفهام هل الموضوع له علاقة بالزيت والسكر و الفرينة .. هل هل هل ..........

ياشباب راكم عطيتو فرصة للخيان وشوهتو صمعة الجزائر يهل ترى هدي هي بلاد المليون ونص شهيد ....................خصار ياشباب كلش رديتوه لصفر

قالك عاند لا تحسد

الشئ الى راه صاري مايعجيش اللي يحب يبدل حاجة ماشئ يكسر املاك الزوالي خوه وماشي يكسر الضوء الى يضوي باب دارو ولا يحرق مركز البريد الى بعد غدوة يحتاجو والله والله والله رانا متخلفين بزاف راهي غير زوبعة فى فنجان ومايتحقق حتى شئ كيما هاك المظاهرة الى ماتكونش منظمة من طرف طبقة مثقفة وعندها اهداف واضحة ومحددة ماعندها ماتدير واش رايح يجيك من واحد فى عمرو تناطاش سنة حاب يكسر ويسرق وفقط؟؟؟

ربي يهدي ما خلق أبسط حل لهذه التجاوزات (غلاء المعيشة أو الاحتجاجات) هو التحاور

تجدد التخريب الأن في فرجيوة الأن بولاية ميلة إستهدفت مدرسة و المحكمة و الصيدلية و مكتب للتأمينات الى حد الان

نعم للاحتجاج لكن ليس بهذه الطريقة , تخرب المستشفى غدوة تعالج فيه , تخرب المدرسة غدوة ولدك ولا خوك يقرا فيها , تضرب الشرطة هي لتحمي فيك الشئ لتخربو انت الخاسر فيه.

c est grave???????????????

الله يستر وتنزل العافية على بلادنا الجزائر الغالية

Non ce n'est pas de cette façon qu'on fasse un changement, on ne fait pas la casse de nos propriétés, nous allons subir les graves conséquences , essayons d'être civilisés!!!

ربي يهديك يا اخت سامية من ALGما عندهم حتى حق في تخريب وحرق محلات ومدارس تربوية ومصلحة البريد لانهم بهدا التصرف راح يزيدوا يصعب الحال فمن الافضل انك تلغلي واش قلت ياسامية لانوا ماهوش حل ونقول للشباب يلي عملوا هكدا هدي ماهيش رجلة ولا شهامة بل هي مجرد سخافة وتفاهة وحقارة وتخلف ولا يغيروا الله بقوم حتى يغيروا ما بانفسهم ونفس الملاحطة موجهة اليك يا اخ صيفي امين ادا كان ان يحدث هدا مند القدم فليحدث ولكن بمطاهرات سلمية وليست عنيفة ارجوا من كل شخص الدي يرسل تعليقه يكون تعليقه معقول وليس يزيد الطين بلة وشكرا وربي يهدينا ولايجعلنا اضحوكة للعالم وخاصة اعداء الله

جميع المتظاهرين قاصرون بلا هدف لاهم لهم سوى التكسير و التخريب و يجدون المتعة في ذلك وسط عدم مبالاة الاهل و عدم مسؤوليتهم، تصرفهم ثصرف طائش غير ناضج، اين انتم يا اولياء؟؟؟

انا ضد التخريب و الغوغاء و لكن البطالة و الضياع هما السبب, الشباب هو الضحية.

هذه حالة الجزائر يا ناس واحد تفرحو وواحد تبكيه واحد عنده المال متهني لاباس و واحد فقير يخزر بعينيه

قالك الشبعان ما يحسش بالجعان وعلاش الحقرة عندوا الحق الشعب يترتق كاين ناس مراهيش تاكل وين رايحين بها براكات براكات براكات?????

vive les algeriens et les tunisiens tous ensemble pour retourner le maghreb et bienvenu au marocains

kama takouno yowala 3alaykoum coran howa saha ykhossna akhlakkkk

بدات كذلك في ولاية تيسمسيلت38

Allah yehdi ma khlek

ربي يهدينا

مع المظاهرات لكن بدون تخريب
والله وانا عائد للمنزل قبل صلاة العشاء حتي وجدت امامي فوج و جيش من الشباب (14-25) سنة ويرمون الحجارة في كل الاتجاهات حتي على اخوتهم ؟؟؟ والله غير عيب من مظاهرات انتقلت الى شجارات بين مختلف الاحياء

انا شاب جزائري طبيب
اتعرض للحقرة و الإهانة في كل ادارة من ادارات الدولة من طرف أناس لا مستوا لهم و نكبر عقلي و نقول غي نفسي أن المستوى الحقير هو ما يجعلهم يحقدون علينا
أما الشباب الثائر فلن يلتمسوا لهم أي عذر و سيواجهون الحقرة بالغضب
لكن مايؤسفني هو وجود حالات الإجرام وهو ما سيعطي وجه سئ عن أسباب الإنتفاضة
تحيا الجزائر

مشيت من بلاد لبلاد ما لقيتش بلاد كيما بلادي الحقرة و المعرفة قانون وطني الشوماج و القيطون هذي حالة الزوالي الدراهم تحت الطوابل خدمة المير و الوالي كل عام تزيد فيها مصيبة السكر و الزيت دارو كارثة حقنا راح و اليوم ما نسكتوش حقنا رانا جينا

this time for Algeria

انا اشكر جزيل الشكر صاحبة الرد الرائع رقم 19 و اوافقها على العبارات المفهومة شكرا جزيييلا

السلام عليكم يا امة الاسلام ابد بدعاء كلامي وهو الله يصلح الاحوال ويهدي النفوس . ولكن الحال يبكي المومن والحاقد يفرحو وماهي إلا دسائس اليهود واعوان اليهود بتفرقت الامة ولكن الى متى إخواني الجزائرين ندمر ونفسد اليس في فكرنا إلا لغة الفساد بل هناك فكرة الاعتصمات السلمية ولغة الحوار فهذا هو منطق الشرع . وانا مع انين انين الفقير والمسكين على حاله ولكن هذا الفساد مايزيد الا في فوترتك ايها الجزائري فتروي واخذي الامور بحذر . كما يقول المثل الشعبي جا ينسف في النار طفاه . الله يصلح الحال ولد بلادي

mout ya zawali

ih ya zawali wech ta dir

والله العظيم مايحدث من تخريب وتكسير لاملا ك الدولة والشعب حرام حرام حرام . ااشعوب تبني وتنمي ونحن نكسر مع انني ضد الارتفاع الفاحش للاسعار

ليعلم الجميع أن كل ما يتم تخريبه وسرقته في هذه الاحتجاجات العارمة التي تجتاح البلاد من التاء إلى التاء سيدفع ثمنها المواطن الغلبان والمقهور من خلال الزيادة في الضرائب وفي أسعار بعض المواد وبطريقة سرية ولهذا أقول أن التخريب والاعتداء على الممتلكات العامة والخاصة طريقة غير حضارية ولا يمكن أن تكون منهجا لتحقيق المطالب خاصة ونحن أمة الإسلام دين يحرم الظلم وسلب أموال الناس وإزهاق دمائهم .. ;والله يهدي الجميع لما فيه خير البلاد والعباد

يخي شعب ياخي، عندهم الحق المصريين كي قالو عليكم بلطجية، تشوف واش كسرو تقول يأجوج ومأجوج ,, مازال كاين عباد هاكا في 2011؟؟؟ أنا أخجل من الانتماء الى بلد سكانه مغول,,,
أصلا غير الجهال لي يهدرو وولا للي مايعرف والو يدبر ويعطي الحلول، اللي ما قراش وما تعبش مايسناش الدولة تخدم عليه ,, أنشري يا شروق

إحتجاجات غير حضارية كل شي إيجي بالعقل أما لفساد مايزيد إلا تعقدا للوضع أما تخريب الاملاك فهي أملاك المواطن البسيط أما ألي فوق ما يحس ما يضر كل شىء من ظهر الشعب

لا بد لنا من تهدئة الاوصاع في البلاد الان الخسارة تمس الطبقة السفلى اي الفقراء مثلنا و تمس منازلتا و ابناءنا اتقوا الله في انفسكم اللهم احمي اولادنا و ابناءنا من نار الفتنة

السلام عليكم
أيها الناس أفيقو إن كل شيء مدبر ...

اتمنى ان تكون للطبقات المثقفة من الدارسين في الجامعات رأي لكن ان تشعل و تنهب و لا تدع حتى سيارة الاسعاف تمر فهذا امر غير مقبول نعم نحن الشباب و عامة الشعب محقورين لكن من سينضر هو شرطي زوالي و سائق سيارة اسعاف زوالي ربي يجيب الخير بلاك هذا التخريب كاشما يجي منو

ومن بعد ..........................
وش الفايدة ??????

والله كاين ناس تقول عيشا في المريخ انا عندي 4 سنين ملي خلصت القراية بالمعرفة مادخلتش نخدم ، رحت ندير لونساج باه تخرج نقمة تحبلك رخصة السياقة ماتت مكانش الورقة الحمرة معليهش، نمشيو بالمؤقت بصح ب برخصة السياقة المؤقتة ماتقدرش تخرج شهادة اقامة ماتستعرقش بيها البلدية كون نكمل ووووو... المهم ربي يصلح البلاد انشاء الله

يجب ازالة هذه المافيا التى تنهش فى ثروات البلاد

راهي مقلبة كامل وقيلة عام 2011 نتاع لهبال ...الزوالي هو ليخلص لصوص

ellho ma nsalouk el afya ya rbe

كلنا متضررين من هده المعيشة لكناارجوكم لنكن احتججاتنا حضارية

rahi mguelba fi tipaza 22h ou rahi ghire tzid

أحنا كيما اقولو الجزائر دولة غنية لكن نحن لم نرى هذا الغنى اننا نراه عند الوزراء والروءوس الكبيرة فقط هما لعايشين فرات كملوا التخريب الدولة نتاعنا تفهم غير بهك الموت راهي وحدا

الكل نردد, رددي معنا يا شروق :

نداء الى بوتفليقة و الحكومة

سكتوا على المصريين قلنا خبرة و حنكة و ذهاء وووووو
سكتلوا على المغاربة قلنا نفس الشئ
ااااو هذا الشعب نتاعكم تسكتوا تاني عليه ؟؟؟؟

نقول لكم : انها قطرة الزيت التي افاضت الكأس

الأزمة ماش رايحة تحبس حتى يرجع :

1- السكر 40 دج.
2- العدس 60دج.
3- الفاصولياء70دج.
4- الحمص 80 دج.
5- الزيت 350 دج
- ...
- و تخليونا من سياسة البريكولاج و بن عميست

ما نشوفش في روحي أنا اللي نخلص 54000 دج و نسكت
أو النواب اللي دخلتوهم فالمعماعة معاكم. أصبحوا ساهرين على مصالحهم لا على مصالح الشعب...
أو السي أويحيا اللي ما نحكوش عليه ...

المهم الذي يتقاضى 15000 دج الحد الادنى للاجور اللي داروه الخبراء نتاعهم لازم يعيش.

ثم :

وماذا عن حياة الوزراء والمسؤولين فالمسموع من الناس والصحف والذي يظهر في الأنترنت ان الوزير أو أي مسؤول ما يتعين يعطى مبلغ لا يقل عن 10000 دج او اكثر وعنده احسن بيت واحسن سيارة وربما خدم وحشم و غير المميزات من الراتب الكبير والحوافز وكل يوم لحم طازج والأكل والشرب والفواتير على ظهر الشعب وماكفاهمش ربما الشيبة الي تروح وتجي من التحت ووووو وماكفاهمش

فالواحد من هاذ الوزراء او المسؤولين هل له الوقت ليدخل السوق وينظر الى حال الأسعار قبل ان يقول انه لا زيادة في الرواتب وان الراتب يكفي المواطن والأسعار في ازدياد

هل دخلت بيت من بيوت المحتاجين والمساكين الي راتبه 15000 دج او أقل أو ربما بدون راتب و له بيت ايجار وعنده 6 اطفال أو أكثر وعليه مصاريف وديون هل نظر الى حالهم قبل ما يتكلم

اين هي العدالة يا السي بوتفليقة و اينا انت من قول سيدنا عمر رضي الله عنه

اين هم جميعا من عمر بن الخطاب رضي الله عنه وقولته الشهيرة ( لو تعثرت بغلة في العراق لخفت ان اسئل عنها امام الله لماذا لم تمهد لها الطريق يا عمر)
هاذي بغلة وخايف يسئل عنها. في العراق وهو في المدينة المنورة؟؟؟!!!!

عندما كان يخرج في الليل ومعه خادمه ليتفقد حال الناس ويجد امرأة في الصحراء ولها اطفال صغار تغلي الماء لتوهمهم انها تطبخ حتي يناموا وهم جياع والصباح يفرجها الله لما سئلها قالت وهي لا تدري اين عمر منا اين عمر ودعت عليه فانطلق مسرعاً الى بيت المال واخذ كيس من الطحين على ظهره طول الطريق والخادم يقول له دعني اساعدك يا امير المؤمنين قال ( وهل ستحمل وزري عني يوم القيامة ) فذهب وطبخ لهم وأكلوا حتي شبعوا

ااااااه ياربي اه

عندنا يهيؤون و ينشؤون أرصفة وممرات الراجلين بشكل مغشوش (كم من مرة امي او جدتي) و بصفقات مشبوهة

افلا يعتبر هؤلاء من سيدنا عمر رضي الله عنه.

مستغرب::مستغرب::مستغرب حال المسلمين اليوم

لا حول ولا قوة الا بالله
لازم يلقاو حل قبل ما تزيد تكبر اكثر

tout d'abord veuillez me permettre de féliciter l'ensemble des émeutiers qui ont fait preuve de leur conscience et leur amour au payes seulement je dit à ceux qui nous invitent à etre rational que ceci est la dèrniere solution

هناك من يقول ان الاحتجاج بهده الطريقة هو امر غير مقبول بل يجب ان يكون سلميا و منظم و لكن هل يوجد في هدا البلد احزاب معارضة تقوم بهدا العمل .طبعا لا يوجد ولا واحد كل الاحزاب هي مع الحكومة

هذا اومازال بصح الضربة يديها الزوالي ربي ايكون معنا

راهي مخلطة في كل من العاصمة عنابة بجاية سطيف باتنة

rabi yfawat 2011 3la khir,,,,,,,,,,,,,,

مازالت البلاد في ازمة

ربي يهدي الشباب تاعنا

كان لابد من هاذا الامر ان يحدث منذ سنوات عدة والان زادت نسبة الوعي لدى الشعب الجزائري واصبح يفرق بين الحقوق والواجبات
الامر هذا كان متوقع الحدوث .....................الله يبقي الستر

il est temps que le peuple algerien s'eveille de sa torpeur et de son profond someil

المسيرات السلمية في البلدان لعندها الشرعية كي تسير مسيرة يستقيل الرئيس . ليس في بلاد المافيا

احصدو ما زرعتم يا .......نحن في غابة

نعم للاحتجاجات و سنقوم باضرابات الى ان تقوم الحكومة بالاعتراف بالشعب و سماع متطلباته ,بلد غني ايرادات البترول تعيش المغرب العربي بكامله ليس الجزائر فقط, حان الوقت لفرض نفسنا ليس القبول بما يقدمونه لنا من فضلاتهم...

كرهنا يا نمار من هاد المعيشة

نتمتى تواصل الحتجاجات والتحطيم والتخريب لان الحكومة لا تفهم الا بلغة التخريب ارجو منكم ان تواصلوا سعيكم للاطاحة بمن افقر وجوع الشعب لتعمير جيبهم في البنوك الاجنبية ارجو النشر

واش ولا بدون الزيت غالي كبدون البترول...................الله يسطر.....حبوا ياكلونا

اسود سعدهم يعطيهم غما الزوالى مايقدرش اعيش مع ارتفاع الاسعار وانا معاكم ربي يعاونكم يالى راكم تحرقو زيدو ربى اعاونكم لكان جيت جون نخرج نخرب الدنيا ولى راهو يتفلسف داير روحو ديمقراطى نحكموا نتشنتشفوا هاهاها

قال تعالى :"ولا تفسدوا في الأرض بعد إصلاحها".

هل يعقل لسبب غلاء المعيشة الشباب يكسر و يسرق و يحرق ممتلكات الغير
انا جزائري و شاهد عيان على ما يحدث بحيث لا يوجد اي شخص بالغ شارك في التكسير و الحرق بل كلهم شباب من 12 سنة الى 20 سنة ارادو السرقة فاستغلوا الفرصة و نسبوها الى غلاء المعيشة لتبرئة فعلتهم فطبيعة الشباب الجزائري انه عير محترم و طائش و متخلف مع انني جزائري لكن عندما ررى ما حصل ينقطع قلبي

مهذه الاسعا الملتهبة

rabi maana selekna ya bouteflika

الدولة تطبق نظرية جوع كلبك يتبعك بصح ماتعرفش نظرية جوع كلبك ياكلك والحديث قياس

راهي خمجت لحكاية بعد الصلاة هنا في بسكرة راهي كلات بعضاها

ربى يستر وش بينا ؟؟نزعفو نكسرو نفرحو نكسرو !!الله يهدى

mziya li fouktou melina men hogra wahed wazir 3ayech ew chaabi zayech

ضلم وعار على بلد غنى وشعبه فقير

وين راك يا عبد العزيز بو تفليقة الناس كسرة
الدنيا والوزير يقول الاسبوع القادم نزلو الاسعار لقعدة هكدا كامل واش بنيت راح يخلاص قبل اسبوع

هذا هو الحل
رحيل رئيس الحكومة و إلغاء حالة الطوارء و فك الإرتباط مع صندوق النقد الدولي
تفعيل أجور وفق المقاييس العالمية
و كذلك بإدماج مشاركة كل القوى الساسية و النخب المختلفة التوجهات في صناعة القرار و ذلك بالعودة إلى الشعب

معظم الإضطرابات يقودها قصر وشباب خريجو السجون وخريجو مدرجات الملاعب وهذا ما لاحظته اليوم عندما سقطت وسط الحشود ....... لا لشيئ إلا لمواجهة رجال الأمن الذين كانوا في حماية بعض المقرات حيث تم رشقهم بالحجارة وتم اغلاق أحد الطرق الٍرئيسية بالعجلات

merci ECHOROUK vous ete toujours a jour
a SOUK-AHRAS le jeudi soir il y avais des émeutes au centre ville
RABI YAJIB LA KHEIR BARK

السلام عليكم. ما يحدث في الجزائر هو نتيجة العراقيل الادارية لشباب في اجاد فرص عمل و العراقيل البنكية في اعطاء القروض اللبنكية بالاظافةالى ماتفرضه مدرية الضراب علي التجار.كل شئ معقد.لاتوجد ادارة تسمع الشاب.يوجد عراقيل في كل مكان.

الخيان بزاف في بلادنا والله يخلصوها عند ربي سبحانو اشوري يا شروق

mlih

لا حول ولا قوة الا بالله ...لماذا لم نتعلم بعد فن المسيرات و الاحتجاجات السلمية

عندهم الصح بغاو ياكلونا .غزاو فيهم. الفقير وين يروح؟؟؟؟