أسماء بذيئة وألقاب خيالية تظفر بمناصب عمل في سوناطراك

راك فهمت كل شيء

أنا مهندس تخرجت من 2006 تخصص طاقة ...و منعت من الاشتراك في المسابقة ...هذا لأن في عمري 34 سنة و هم طلبوا أقل من 30 سنة بالنسبة للمهندسين....أليس هذا الظلم بعينه حينما يحددون عمر المتسابق ...رغم اني اجتزت عدة مسابقات في سوناطراك منذ تخرجي و لم أحظى بالنجاح....

هذه المسابقة نزيهة بنسبة 90% و هذه نتيجة جميلة و لكن يجب ان تعرفوا ان سوناطراك ليست جنة و ليست اعلى اجر في الجزائر . ان اصحاب النفوذ و السلطة الحقيقية لا يعترفون بالدخل المحدود. التلاعب موجود في المشاريع و الفاتورات ..... و أغلب عمال سوناطراك مخذرين بالقيل و القال و الاكل و زيادات 6% ...و الذي لديه مستوى علمي او قدرات للابتكار لن ينجح . و الذي يعرف يبلعط و يعرف الدخلات و الخرجات , ينجح . انا شخصيا لم احس بوجود برنامج او كيان لهذه الدولة فأظن ان الطبيعة تسيرها

شهادة لله عسى أن تساهم في إسكات الأفواه التي تريد الفتنة.....انا واحد من الناجحين .متخرج من كلية المحروقات منذ 2013 بلا عمل و خسرت في مسابقة 2013..و الحمد لله نجحت ولا اشك في نزاهة و مصداقية المسابقة لان غالبية الفائزين الذين اعرفهم من البسطاء.العاقبة للمرة القادمة.........شكرا

مبروك عليك . عندي 3 صحابي شاركو فقط بالتسجيل ما راحوش فوتو الكونكور و نجحو . وش لي خدمت مليح . حتى أنا خدمت و كاين صحابي والله لا يكادون يفقهون قولا . و الأسماء المخلة بالحياء و العبثية كيفاش نجحو ؟ السؤال لي يطرح نفسو بالحاح .. ماشي كي نجحت نتا تبدا تصعب فيها . كل ما في الأمر أنك محظوظ صديقي . أنا قلت حسبي الله و نعم الوكيل فيهم . القاءمون على المسابقة . 15 يوم و أنا نحضر فاللخر يجي واحد ما فوتش المسابقة ينجح و انا لا . و الأصعب تلقا كلام بديء ناجح . زمان هون الأحرار منا و حكم الأنذال فينا .

برك ما تخرف سكان الجنوب مهمشين بزاف

السلام عليكم, انا استاذة من جامعة معسكر, اشهد ان احسن الطلبة الفائزين من جامعتنا في مسابقة سونطراك هم من اوائل الدفعات, و كلهم مسجلين في الماستر 1 و 2.مسابقة"تقني سام", لقد سعدت لانهم نجحوا الله يوفقهم. لا تزرعوا اليأس في نفوس شبابنا لابد من تحد و مشاركة في كل مسابقات حتى تحقيق الهدف.

الصراحة تقال لم يقومو بعملية التصحيح بل قامو بعملية اشبه بالقرعة
هناك اناس لم تحضر الاختبار ونجحت
هذا غير معقول وظلم كبير
اناس اجتهدت وحضرت ولم تحصل
الله يهدي جميع من ساهم في هذه المهزلة
قرعة على المسجلين في الانترنت حرام حرام

سوناطراك نتاع القبايل ومن بعد؟

أنا كذلك فوت مسابقة ولله الحمد نجحت بفضله وليس بفضل أحد سواه.....أصدقك أخي

makanch menha ... ana na3ref plusieurs jeunes dakhlou zwawla .. ma tehkich 3la haja ma ta3refhach w nass rahi tssoufri fi sahra bach tjib devise l dzair bach yakra wldek b blach w techri l hlib b 25 da w gasoil b 13da .. cha3ab ga3ed ghir l tlaghbib

باراك الله فيك يا اخي العزيز من ادرار و فتح لك ابواب الخير و كثر من امثالك.
اللهم يا رب يا عزيز يا جبار يا رحمان يا رحيم انزل رحمتك على ارض الشهداء: الجزائر, و قنا من الفتنة و جنبنا ما ابتليت به اخواننا في الدول العربية و بارك في اولي امرنا و و الهمهم الحكمة و الصبر و الشجاعة وفقهم الى ما فيه خير البلاد و العباد. ءامين يا رب العالمين.

نصيحة اخوية شد وما تتركش المهم اخدم وتمرمد ويجي النهار لي تتعدل ان شاء الله هده فرصة ممكن ما تتعوضش انا من 2009 واحنا نتسنوا اصبر وربي يكون في العون يديروا هكذا باه يبروفوكوا الناس ويكرهوهم

بهذه العقلية فشلتم
احنا الحمد لله دخلنا معولين على روحنا و على ربي و نجحنا دون اي وسااااااطة
اما لي دخلو بعقليتك و فبالهم النتيجة محسومة كلاو سنيهم لما شافو اصدقائهم نجحو و هم لا لانهم محضرو ما والو قالو النتيجة محسومة
تفكيرهم السلبي جنى عليهم

لي منجحش يبدا يقولك قرعة ووو ههه لي ملحقش للقارص قال حامض
بركاو من الخرطي قالو قرعة
انا خدمت مليح و نجحت و كل صحابي لي خدمو مليح نجحو و لي قالو بلي مخدموش منجحوش
دوك لي منجحش يبدا يخترع واحد يقول تزوير و واحد يقول قرعة
ياو كي يحبو يدخلو معارفهم ميكتبوهمش ممبا في الموقع ميحطلك لا مخلة بالحياء لا والو

السلام عليكمأولا تاريخ اعلان النتائج كان في 2 مارس اما بالنسبة للاسماء البديئة فهناك اسم واحد فقط اما الاسمين المتبقيين في أخطاء حدثت أثناء التسجيل ولدي العديد من الاصدقاء نجحوا بدون وساطة أو معرفة وكل من حضر جيدا نجح الا القليل والناجحين من جميع ولايات الوطن فدعونا من الفتنة والتفرقة

الحق و الحق يقال

أنا أعمل في إحدى قواعد سوناطراك و الله العظيم أن كل من التقيت بهم من الشباب الذين إلتحقوا مؤخرا بالقاعدة التي أعمل فيها هم من أبناء الشعب من عامة الناس و أكثر من 60 بالمائة منهم هم من المناطق الجنوبية للبلاد.

شهادة لله عسى أن تساهم في إسكات الأفواه التي تريد الفتنة بين أبناء الوطن الواحد.

والله يا خويا انا زوالي ولد زوالي منمد الرشوة معندي منين نمدها لا معريفة معارف بابا كامل كانو عساسين وفلاحين ونجحت ونفس الشي لصحابي كامل هاد المسابقة صراحة فاتت بكل شفافية واحد مكان يتوقع بلي راح تكون النتائج هاك صدقني نسبة كبيرة من الناجحين زواولة يشفو سقسي وشوف بعينك

لا تكدبوا ليس المسابقة جرت في أحسن الضروف أنا نجحت و تحصلت عاى المعدل الدي كنت نتظر و يوجد الكثير من أصحابي الدين نجحوا بدون أي وساطة خافوا الله و لا تنشروا الفتن بين الشعب

خاوتي انا شاركت ونجحت والله ما عندي معريفة وحتى صحابي واحد فيهم معندو معريفة متخرجين في 2011 لا خدمة لا والو
بالنسبة للاسماء صح كاين اسم واحد مش مليح و 2 غالطين بمعنى 3 اسماء غالطة فقط والقائمة فيها 5002 ناجح وسقسيو خاوتي والله نجحو فيها الزواولة فقط ومن 48 ولاية سقسيو خاوتي لا للفتنة والنتائج راهي خرجت في 02/مارس مش 17 مارس والناجحين بداو يقراو سلااام

c'est faux la liste est juste, tous mes amies qui ont bien negocier les sujet ont reussi , ni ma3rifi nipiston, craigner Allah et arretez le s monsonge s et les fitna

salut, c'est faux pourquoi vous voulez la fitna, ,tous les condidat qui ont bien négcier les juste du concours ont reussi, , y a aucun tarfic, tous mes amis on presque réussi et on a ni ma3rifi ni rien , arretez votre blabala et craigner Allah.

قد يكون لك الحق فيما تقول لان اصحاب المعدلات الكبيرة جدا يصعب اقصاءهم لان الطعن يفضح اما اصحاب المعدلات المتوسطة يمكن استبدالهم باضعف منهم

ana tani koune nelga el ma3rifa nakhdem fi sonatrach hadi normal.

بركانا من هادي العقلية نتاع الجنوب محقورين,هكذا راك فتحت باب من ابواب الفتنة,احذر يا اخي و اتق الله,انا ابن الشمال تخرجت عام2004 وراني بدون شغل.

أنا تقني سام ولم أسمع بهذه المسابقة فكيف أصل إلى النتائج أصلا

الكل نعرفوا بلي هد المسابقات تجرى من اجل تقنينها فقط اما النتيجة فهي محسومة مسبقا ندخلوا معارفنا والباقي نسكتوا به لي بقاوا.الخضوع لغير الله مذلة انا عن نفسي دخلت لشركة فوت شحال من كونكور وربحت في بلاصة يدخلها غير ولات فلان وفلان بصح انا دخلوني دعاوى الوالدين وما احتجتش حتى واحد يدير فيا مزية رغم انف شحال من واحد رزق عند ربي ونهار لدخلت لشركة زادت عيتولي في سونطراك.ان الله اذا اعطى ادهش ادعو ربي يسهللكم وربي يسهل لكل واح انشاء.سلام

واش ياجماعة حاسي مسعود ما زالت حاسي وزو والا أتبدلت أوقولولنا واش ولات.

فاقوا ....أنت مستفيد بالغش و الجهوية.....الحمد للله الله موجود!

انت لي كنت راقد
المسابقة تم اللاعلان عنها في كل الوسائل هاتف تلفزيون انترنت و كل الولايات شاركت حتى الجنوب و نعرف بزاف فوتو الكنكور في جامعة ورقلة

لا تشهد بما لم تراه لانه مستحيل ...........

سونطراك خدعتنا
نحن الناجحون في المسابقة و الذي تم توجيهنا لوحدة AVAL تم خداعنا و رفضو ان يتكفلوا بنا و قالو لنا انه يجب ان "ندبرو راسنا" بينما باقي الوحدات الاخرى TRC و Amont قامو بالتكفل التام بالناجحين الذين تم توجيههم لهم
و يوم اعلنوا على المسابقة كانو قد قالو ان التكفل تام من طرف سونطراك و على هذا الاساس شاركنا فيها و نجحنا بفضل الله تعالى
ثم وجهونا AVAL نحن لم نخترها بل هم وجهونا لها و اذ بهم يخبروننا انهم لن يتكفلو باقامتنا و انه يجب ان نتكفل بانفسنا فلماذا هذا الظلم و عدم المساواة؟؟

ياولدي نجحو بزااااااااااف من الغرب بركا بركا
مخدمتش منجحتش عادي
لي نعرفهم و خدمو مليح كامل نجحو و كامل زواولة و معندهمش معارف
دوك لي منيجحش يقولك جهوية و تزوير ووو

سيغلق لانها مجرد خزعبلات اطلقها من فشلو في المسابقة
انا نجحت و خدمت مليح فالمسابقة و بدون اي وساطة
و لي اصدقاء كثر نجحو ايضا و كلهم زواولة
و لو حبو يزورو منفيقلهم لا انا لا انت ليسو بالغباء الذي يجعلهم ينشرون اسماء بحروف غير مفهومة على الموقع لو حبو يدخلو معارفهم يدخلوهم بلاما حتى ينشروهم فالموقع و يعني احسبها بالعقل صعابت عليهم يكتبو اسماء وهمية؟ لو نبدا نخترع فالاسماء الوهمية من للعام الجاي منحبسش هذا ما سهل ربي
يعني لو حبو يديرو اسماء وهمية مش رح تغيبلهم و هي حلات معدودة اكيد مطبعية

مش غير صديقك
بزاف نجحو و كامل بلا وساطة
هذه اكثر مسابقة تتمتع بشفافية رأيتها فالجزائر
انا شخصيا الحمد لله خدمت مليح فالكنكور و نجحت و جيت مع الاوائل
و لي اصدقاء كثر نجحو
و كلنا دون واسطة و الحمد لله و الله لا يخلينا نحتاجو بشر
فالنجاح بيد الله وحده
الحمد لله

انت كنت راقد وقت اعلنوها هذا مشكلتك
لان الاعلان عنها تم بكل الوسائل
جرائد و حتى رسالات نصية وصلت من شركات الاتصال
و اعلنوها شهر قبل اجرائها في موقع المعهد الجزائري للبترول
و تم اجراء المسابقة بكل ربوع الوطن بمختلف الجامعات و منهم جامعة ورقلة و بزاف من الجنوب نجحو ايضا
يعني انت محوستش و عليها مسمعتش
المسابقة كانت وطنية و نجحو فينا ناس من كل ربوع الوطن
احسن من المسابقات الجهوية التي تحتكر المناصب لابناء جهة دون اخرى هكذا لي قرا و خدم ينجح مفيها ني بن عمي ني اقامة ني والو تخدم تدي

يعني حلات معدودة وسط 8000 شخص رجعتوها حكاية
ياو لو حبو يزورو كان زورو بلاما تفيقولهم زعما تغيبلهم يحطو اسماء وهمية ؟؟ زعما مساكن زورو لكن كي لحقو يحطو اسم وهمي معرفوش مالا حطو حروف ؟؟انا واحد من الناس نجحت الحمد لله و دون اي معرفة و خدمت الحمد لله في كل المواد و لدي اصدقاء كثر نجحو بفضل الله و كلهم زواولة كيفي و لهذا تأكدت ان هذه المسابقة ذات شفافية و مصداقية لانه لي نجحو زواولة و معندهمش العرف و حتى لو يكون جماعة معرفة فهم نسبة قليلة اكيد لانه العدد كبير 8000 ونظن اغلبكم يعرف ناس نجحو

انا نعرف بزاف من لي نجحو كامل زواولة و معندهم حتى معارف
لي قرا نجح و لي مقراش و محضرش منجحش و هذه هي
يمكن هذا اول كنكور نحس انه فيه شفافية تامة
و كون جيتو شوي اذكياء لو عينهم يديرو تزوير ميحطوهش في موقعهم اصلا يعني حبو يزورو و لكن عجزو يحطو اسماء و حطو حروف؟ لو حبو يزورو كان نشرو اسماء معارفهم في الموقع و واحد ميفيق بل كان يمكن مينشروهمش حتى و يدخلوهم في سكات واحد ما يسمع
باين ان الامر مجرد خطأ مطبعي و هي حلات قليلة اما اغلب لي نجحو هم ولاد زواولة ملا بركاو حسد كل وحد مكتوبه لي منجحوش يهولو

أنا شخصيا شاركت في هته المسابقة و لم أكن محظوظ في عملية السحب لأنه أشبه بقرعة وليست مسابقة على أساس معايير محددة لأن الغريب في الأمر أن أشخاص أعرفهم سجلو فقط و لم يجتازو الامتحان الكتابي قد نجحوا و قد لا حظت في القائمة وهي مازالت عندي لحد الساعة و قد حملتها من الموقع الرسمي iap.dz أنه هنالك ناجحين بأسماء مخلة بالحياء و بعض الأسماء العبثية و بعض الألقاب المكونة من أحرف عشوائبة . لا أطالب بشيء لأني مواطن بسيط مغلوب على أمري . أقول لهم : حسبي الله ونعم الوكيل فيكم . لن أسامحكم فلتحترقو في الجحيم

ya khawti moi charkt w njaht hmd fi hadha concours w sah kano hadho les foute mes ta3 afair word w ay w&hd kadr ya9lat ..walh ya khawti fat w nass kamil li tstahil njhoo..b chahadat lajami3 ....w rana wlidat cha3b w rana zwawala ..hmd rabi li rzakna...w rabi yhdi na..sallam

Est-ce qu'il aura un autre concours iap pour les autres spécialités ??

انتوما الي حقرتو رواحكم بتقاعسكم في المطالبة بحقوقكم. ناس بكري يقولو المال السايب يعلم السرقة . والفاهم يفهم

سوناطراك تسير بالجهوية لقبايل مدايرين لوبي هناك .

المسابقة تم الاعلان عنها في التلفزيون و الجرائد والانترنيت وعلى نطاق واسع السؤال انت اين كنت

شهادة لله أعرف صديق شارك في المسايقة و نجح دون وساطة او شيء آخر و الله على ماقول شهيد

والله نحن في الجنوب ولم نسمع بهذه المسابقة اصلا كيف تم الاعلان ومتى تمت المسابقة ومتى اعلان النتائج ...وقيلا راكم حابين اتخلطو البلاد بالعنصرية وتهميش الجنوب

اين انتم يامعلقين على قرعة استضافة كاس افريقيا..سكتم الان ..هذا هو المهم .....اين انت ياجثة ..يااسم .ياابن الحضنة ..فكركم لايتحرك الافي الجلد المنفوخ..اعييتمونا بتعليقاتكم في التوافه ..انصحكم لاتدعوا توافه الامور تسيطر على افكاركم...

Ce genre de manipulation ne date pas d'aujourd'hui et je suis témoin des résultats d'un concours avant la date des examens depuis 1986 et aujourd'hui je trouve ça naturel (ancien cadre de sonatrach ) à hassi Messaoud.

وكالعادة سيغلق الملف بدون تحقيقات، لك الله يابلادي

انا مهندش من الغرب و لم افز. و الله هذه الشركه توظف باالجهويه و حتي ابناء الجنوب لم يسلموا من جهويت مسيرسها

Tout est truqué durant l'ere de BOUTEFLIKA
Tout est remis en cause,l'intrigue,le mensonge rien ne marche dans ce Bled...........c'est voulu toute cette pagaille

البترول والغاز هبة من عند الله فلا تمنعوا رزق الله عن خلق الله .

أكبر فساد عرفته الجزائر ناتج عن مسؤولي هذه المؤسسة .........لأن مسؤوليها أكبر مفسدين في الجزائر لاحسيب ولا رقيب عليهم كل هيئات الرقابة مجمدة (مجلس المحاسبة ، محافظ الحسابات ....) يفعلون ما يشاؤون .......يوظفون من يشاؤون وبعدما يتقاعدون ويورثونها لأولادهم ومعارفهم وأبناء عرشهم ومنطقتهم .....الخ ديرو رايكم يا مفسدون............ستحاسبون يوما ما أنتم ومن معكم.