“الإحصائيات حول البطالة مفبركة ونطالب الحكومة بتطبيق الوعود”

ههههه كل شئ مفبر ك في الجزائر انا متحصل على ليسانس لم اتحصل على شغل منذ سنين وهم يقولون رانا لاباس هههه الشباب راه مقنوط كرهنا من الدولة وانا انصح النظام التحرك لان الشباب كره وقنط واذا تحرك الشباب راحت البلاد

روحي اقعدي في دارك ياربي إني أعلم أن الرزق بيدك ولكنك جعلت هؤلاء المسلوخين سببا في قطع رزقنا ياربي حابة نعيش بمايرضيك نلبس ندير طوموبيل نعيش بكرامتي مانتوسل حتى واحد أحلام أقل من عادية لا أنا باغية ولا عادية العمر فنا وحنى مازلنا مع كونترا خاطرماكش كتافنا رايبن يا عجابة ياربي المتخرجين تاع2014داو مناصب قارة وتاع 2004 مازال يندب حظوا وعود زائفة كاذبة مسؤولين مستولين على المناصب. غلبت عييت بكيت شكيت كرهت حبوني نيأس. آه ياربي لا تجعلني أقنط من رحمتك واشملني بعفوك وارزقني من حيث لا أحتسب

صحيح والله اني بطالة منذ10 سنوات ولوكنت راجل لحرقت للخارج ولكن انا امراءة متى أتوظف ومتى أحال على التقاعد حتى أنني لم أوفق في أي مسابقة كل ذلك لان عقليتي لا تعجب المسؤول جبتها غير الكونترات وكي تخلص الكونترا أطرد واحد المسهول المهبول قالي إخدمي معانا في الادارة قلت لا لا قال لي إذن انتظري 10سنوات أخرى والله كل مسؤول رحت ليه يعطيني الموافقة بكل سهولة وبعد العمل معاه يحبسلي الكونترا لاني فقط مانضحكش معاه واحد قالي مادمت كي تجي تروحي ديراكتومون لخدمتك لا سلام لا كلا م ما تضربي طلة عليا في البيرو

0---I
ان هته المفاوضات و الاتهامات موجهة الى النساء العاملات و لا للدولة الجزائرية لانها وفرت مناصب شغل و لانهن احتللن معضم الوضائف و الاماكن لانهن دوي شهادات بالاضافة الى عدم اعطاء الاولوية للدكور في الوضيفة الدي اصبح يفر من الخدمة الوطنية و يعتبرها خيط يعرقل حياته لتحتجز مكانه فتاة فايها الشباب فلكم بالثورة ضد المرءة و الاجتهاد لطرد شبحها من المؤسسات و الشوارع لان المرءة طبيعة بشرية رقيقة لا تصلح للاعمال الشاقة و لا لتحريك الحديدة الا ادا كانت لها قوى خارقة 0---=

على حساب ما راني نشوف الناس تريد الجلوس في المقاهي و تخلص الشوماج من يدفعهم يقول لهم البترول يخدم عليكم كامل

لبلاد راحت فيها انا درت مشروع اونساج في 2009 عطاولي 72 مليون خلصتهم الحمد لله واليوم عندي 65 مليون ضرائب حبيت نبيع الماتيريال باش نخلصهم لقيت سومة الماتيريال 33 مليون ....عيش يالفكرون في بلاد الشلاضة....

52 سنة دمار حقرة تهميش لعاصمة الحراكتة بركات.لم نحس بطعم الاستقلال بعد بمدينتنا الجريحة.الى متى هدا الدمار..ولاية عين البيضاء عن قريب انشاء الله لحل الاف المشاكل لسكانها.عين البيضاء 250000 الف نسمة-20000 طلب سكن-5000 اطار جامعي بطال-منطقة صناعية مشلولة-مشاريع معطلة 20 سنة-قمامة-تعدبات-موبقات..الخ كل هدا بفعل فاعل..لكننا صامدين بادن الله نحتسب عند الله يا من غدروا بنا و بمستقبل اولادنا-تحيا ولايةعين البيضاء ارض النظال الابطال الشعراء العلماء و الاحرار- تحيا الجزائر.و لو باحلامنا.حرقة عاشق الحرية