سوريون وأتراك ومصريون تزوّجوا بجزائريات ثم فروا إلى الخارج!

الطمع يجر الشيوخ.....في هذه الحالة -ديروا بحث في فائدة العائلات-لعلهم يرجعون يوما....قدر الله و ما شاء فعل..........................................................................................

أنا أيضا نعرف بنت في الجزائر العاصمة ربما هي نفسها المعنية في التعليق 36 عمرها حوالي 40 سنة تزوجت بالهندي عندها 6 سنوات كنا نضحكوا في عرسها فيلم هندو راهي تزيان و تزيد الله يبارك و حسبما راهي تحكي عندهم عواطف جياشة يحترموا المرأة أحسن من بعض الجزائريين و يقدسوا العائلة شرط عليها ما تنحيش الخمار أمام أزواج أخواتها أما الباقي مهنية خير من أخواتها ما شاء الله، بصح أنا في عمري 44 سنة مانديرهاش يالوكان نبقى حياتي عانس.

والله طمنتني الحمد لله مازال كاين الرجال في بلادي انا قلت الرجال راهم مقابلين الشروق و يخدمو خدمة النسا الا من رحم ربي وقاعدين يهدرو في بنات الناس

انا متزوجة اجنبي وراجلي مادا لا اقامة جزائرية لا والو اصلا شايدير بيها وهو من احسن الرجال الحمد لله وبالنسبة للي راه يفرق بين الجزائري و الاجنبي ربي قالنا (وجعلناكم شعوبا و قبائل لتعارفوا) وهودو شوية هاد النيف لي راكم مطلعينه يوم القيامة تحشرون مع قاع الناس ولا غادي تقول لله انا جزائري؟ وزيد في كل مكان كاين المليح والشين ولي ماراهش حاب الجزائريات يتزوجو اجنبي انسان ناقص قاعد في الدار كي لمرا ويهدر في بنات الناس حسستوني بلي الباسبور الجزائري باسبور احمر هههههه نوظووووووو من الحلم

الله الله عليك فحل يا أنيس............. الحمد لله مازال كاين الرجلة في بعض من ولاد بلادي

ياجماعة الشباب الحالي ما يخدمش احب لى تخدم عليه و عندها لوطو ومسكن يا اخي هذ الجيل عيان اعطيه الفيسبوك والرقاد لا يقدر على المسؤلية تاع الزواج من حقها اى بنت ترفض زواج الخداع والمشكلة ليست في المهر غالي هذا تغليط ومراوغة ياوكسل يدك تخدم وتزوج كيما كانت دير رجال تاع زمان نيف ورجولة وحرمة

من ويكت عادو الا جانب يحوسو على شهادة الاقامة الجزائرية ههههههههه

dans la vie c'est comme ca!!!!!!!!!!!!!!!!!!!!!!!!!!!!!!!!!!!!! oui

c'est un vrais probléme que il faut le traiter au serieu.................rien a dire koulchi maktoub et merci

fekra mlliha khouya tabkou essouna enabawia wtcoufou

انا نعرف طلياني لعبها دخل الإسلام في جامع و هو لا مسلم و لا علاقة له بالإسلام . تفاهم مع حبيبته غير باش يتزوجوا حتى عائلتها على علم باللعبة. يشرب الخمر كما كان و يروح للكباريات و يدخن الزطلة. يخدم في حانوت انسابو حتى المشتاريا الإسلاميين غزوا المحل التجاري و تهاطلت الأرباح على عائلة الزوجة. مؤخرا راح اللطاليان و ما ولاش. راهم يستناو ما بان حتى خبر عليه

شح شح شح....و ما دخل الدولة او القضاء في حل مشاكلكن!!!! طار لحمام....... لست ادري اين اولياء امورهن?? فقد سمعت ان هناك من الغبيات من تزوجن بمسحيين و هن لا يدرين.....ضوقوا الان ثمن غباءكن

كما تدين يدان لكم.الم يتزوج الجزائريين بالاوروبيات و فرو بعد الاقامة في اوروبا

أجل ، بوركت أرى الجميع يسب و يهتك حرمات النساء الجزائريات المتزوجات من اجنبي ، أنا متزوجة من اوروبي مسلم ،فقيه في الدين و اللغة العربية و هو يعمل في مكـة الآن و لم ار منه الا خيــرا علما انه نعم الرجل من جميع النواحي ... المشكل ان الرجل الجزائري لو تزوج غربية حتى و ان كان يعرف بتاريخها المقرف لقبل بها لأنه يبحث قبل كل شيء عن الجمال و الأناقة و يشتم بنات جلدته عن قلة الزيــن حتى و ان كانت ذات اخلاق و دين و عفة ...،، انا خلقناكم شعوبا و قبائل لتعارفوا و يكفي ان يكون الرجل مسلم حقيقي مطبق

وماذا لو يصبح الزواج بلا ولي

الله يهدي بنات بلادي يحيا ولد بلادي الجزائري الجزائري الحر وعندوالنيف

لمعالجة المشكل طبقوا شريعة الله ورسوله في تعدد الزوجات وأزيحوا الحواجز والعراقيل التي وضعتموها في طريق الشاب الجزائري الذي يريد الزواج في بلاده وبالجزائرية ابنة بلده .

كثرة العنوسة هي من دفعت بالبنات للزواج من الأجانب خصوصا أمام شروط بعض من الرجال اللي لحقت 28 سنة يقول عليها كبرت و بارت، هذا المصري و هذا السوري على الأقل راهو مسلم السؤال المطروح لماذا لا يحاسب الرجل الجزائري الذي يتزوج بالألمانية و الروسية و البولونية الشقراء و اليهودية غير المسلمة و يتكبر عن بنت بلادو المسلمة مثله؟ جارتي تزوجت بهندي مسلم ما يتفاهموش حتى فاللغة عند إستنكارنا لهذا الزواج صرحت أنها إنتظرت 40 سنة كاملة ولا يوم خاطب طرق الباب لخطبتها، وأنها تحلم بالأمومة مثل أي إمرأة.. ما تعقيبك؟

نية الجزائريين رح تضيعهم وتضيع بلدهم افيقو يا اهل النية والجياحة
............حتى واحد ما يحبكم ولا يخدمكم كلهم منافقين انانيين مخادعين
..........يخدمو مصالحهم ومصالح اهلهم وبلدهم ............حلو عينيكم يوجد مخططات
.............من كل الاجناس في البلاد كلهم لاهداف وغايات ............مدروسة

........الاجانب المتواجدين في الجزائر طماعين .........
..........الخطء في اولياء هؤلاء البنات الطايشات............

الطماع طاح في يد الكذاب

ان الزواج حب و ود الغاية منه بناء اسرة متماسكة لكننا نشهد هذه الايام اهداف اخرى للزواج فلي ضربتو يدو ما توجعوا
" أحسنوا نياتكم فعلى نياتكم ترزقون"

صحح معلوماتك الاجانب من يريد جزائريات . و الجزائريات يقبلن لسبب فقط ان الاجنبي لما يعجب بالفتاة لا يتلاعب بمشاعرها اووووو يريد الزواج الحلال
وهناك العديد ممن تزوجن اجانب تعيش في سعادة و هناء
و هناك من تزوجن جزائري و هن الان في المحاكم لغرض الطلاق لاتفه الاسباب
الزواج يمكن ان يفشل مع الجزائري و مع الاجنبي لا يوجد ضمان
لمادا الجزائري لديه الحق ان يتزوج اوروبية وكلنا يعلم كيف تعيش الاوروبية !!!!!!
الاجنبي هو من يبحت عن جزائرية

ما كان لا داعش ولاهم يحزنون هذا زواج المتعة الي اتوا به المشارقة الى البلاد وكما يقول المثل الجزائري (الي اعطى ههههههه لهلا يفكوا)يستهلن اكثر من هذا انثاث لا حياء لهن ولا شرف الان مازال غير الافارقة انتاع مالي ومايشبه تربية المسلسلات باي باي اسطبول دمشق القاهرة وبغداد وغزة صباح الخير المشاكل والندامة الى يوم القيامة .

البنات الجزائريات اغلبهن يميلون الى المادة وخاصة عندما يكون لها مظهر مقبول نوعا ما اما ادا كانت تملك محاسن فالمصيبة عظيمة .لما نقرى المقال نفهم ان معظمهن جامعيات وصغيرات في السن .اما شبابنا الدي يهاجر ويضطر للزواج للغرض نفسه يعني الحصول على الاقامة فاغلبهم يتزوج من نساء كبيرات في السن وجاهلات او يدفعون اموال مقابل زواج ابيض هنا يطرح سؤال هل لشباب الجزائر سلعة رخيصة ?

ما نشاهده في هذا الوقت لا شروط تعجيزية و لا شي , ارى كثير من الرجال يطمعون في المرأة العاملة و يريدونها ان تتنازل عن مهرها و هي التي توفر له مسكن , أين هو النيف و الرجلة تاع الزمان الذي كان فيه الرجل هو الذي يوفر السكن و هو الذي ينفق على العائلة و الآن هو الذي يبحث عن امرأة عاملة حتى تنفق عليه و يريد كذلك ان تملك مسكن .

هذا مشكل ماعندوش حل مهما يكون.

يستاهلو.....تتفرجو باب الحارة ومهند وتتزوجو بلاش...........بصح كاين الحلابين يتزوجو بقايا السوريين والاتراك

الواحد يقول الحق يستاهلو واش داهم يخلو وليد البلاد ويروحو يجرو للسوري والمصري يموتو على البراني خلصو مالا تقول معندهم عقل

تعليقات مقرفة لماذا كل هذه الإتهامات , الزواج و الطلاق مكتوب عند الله , الخداع موجود حتى عند أزواج الجزائريين ابحثو عن اسباب الطلاق في المحاكم بين الجزائريين انفسهم , و في الجزائر يوجد بنات عائلة و يوجد كذلك شباب رجلة و من يتحدث عن غلاء المهور هو ذلك الرجل الذي يجري وراء حبه لفتاة يعشقها كل رجال و عندما تتحكم فيه و تطلب منه الكثير تتركه فيصبح يسب كل النساء , اتقوا الله مازال توجد القناعة و الكرم عند كثير من العائلات .

هذا جزاء سينمار . وكل من تكبرت على ابن بلدها ..وعاشت في الصراب ..كما يقول المثل القديم ...انا و ا بن عمي .بالخبز والما ...والراس فالسما....

raht alikom ya blad comi cha3b dab ki molah wink ya bomadyan

يستاهلوها الطماعين والطماعات..خذوا ابناء الجزائر ولو كانوا فقراء على الاقل بقائه في بلده مضمون

chah yestahlou ma akthar,
eli tmed rohha lel barani , yehsibouha mohanad w bab lhara,
eli daret'ha b yediha thel'ha b seniha
cha3b fachel

malakhar yastahlou bnat ta3na tama3at 3ambalhoum rahoum ytourniw fi film si ça tama3 ymout dji3an

والله هذا ابتلاء مما عانى منه الشاب الجزائري من مهر وشروط تعجيزية اما الاجنبي يوفرون له كل التسهيلات نهار يعطى درس في كل المساجد في جمعة موحدة في كامل التراب الوطني يحددون فيها المهر ولو خاتم من حديد في ذلك الوقت تصبح الفتاة الجزائرية ما تصحش للاجنبي والشاب الجزائري يستقيم و يتخلى عن كل الافات من مخدرات و و و.....

يستهلوا لانهن يبحثن عن الرجل الوسيم وهن مسطاشات

تحية طيبة,

المحتال يغلب إلا الطماع. و ما على الطماع إلا بتحمل عواقب طمعه.

ههههههههه ضحكتيني يا الشروق و شكون قالك الدولة تقبل زواج الجزائرية من اجنبي هذا في الاحلام بدليل ان كل المتزوجات من اجنبي عندهم عقود زواج السفارة و الجزائر غير معترفة به ياريت تتاكدوا من المعلومة و منبعد انشروها كفاية الشعب نتاعها راه مزطول و تزيدوه بهاد المعلومات الخاطئة والدليل كل الي في التعليقات امنو

والله لا مليح ليهم الشح وانا اؤكد ان هاته الفتيات اللواتي اشتكين لدى وزارة الخارجية هم من جرو وراء هؤلاء الاجانب و خلصو الزواج كلشي عليهم مثل ابنة الامام في سطيف تعرفت على اجنبي من فرنسا دخلوه للاسلام وراح جابه ابوها من المطار و هوما داروله العرس ياهل ترى لوكان من بلادهم يديروله العرس وهوما يجيبوه
بناتنا طماعات و عروبيات و يخلعهم البراني

هذا باختصار زواج متعة.وهبت له ما يريد و وهب لها ما تريد.على كل ساذجة. رفع دعوى قضائية ضد زوجها الفار مهما كانت جنسيته و الاتيان به لدفع النفقة عن يد و هو صاغر
الخزنة فرغت و لا يمكننا دفع نفقات اضافية في مكان ازواج اجانب فارين
هذا ما بقالنا ،سيدي مليح زادو الهوى و الريح

في الغربة كنت أبحث عن جزائرية للزواج بها وانصدمت أن العائلات الجزائرية المغتربة تزوج بناتها للأجانب سواء عائلات متفتحة أو من يدعون الإلتزام بالدين، والمصيبة يعرفونك جيدا لسنوات ولكن في الزواج يفضلون غير الجزائري! ونفس الشيئ في الجزائر الأجنبي يزوجوه بمهر 100دج ويتحملون مصاريف العرس، ولكن الجزائري ابن البلد يشترطون مهر 200,000دج والذهب ب400,000دج وتكاليف العرس ويشترطون البيت لتسكن وحدها، ثم يتكلمون عن ارتفاع العنوسة وزواج الجامعيات بأجانب؟ الجامعيات مصلاحجيات لا تهمهن العائلة والسمعة، الهجرة فقط

لا تحتار فالبنات يتحكمن في آبائهن، والنيف والرجلة دارو جنحين وطارو!

لاه من وقتاش (الراجل) يصرف عندنا يخي هي لي ترف ايمالا مبروك

فكرتنا في سوق الريح يا صحفي الزوخ وطمع اهدملك دارك يالحنون اطنسيو من اعراب اليوم متخلعكش اقولهم او لباسهم الخداع

طالبات جامعيات طماعات يستاهلوا ........................الجزائري يشترطون عليه شروط تعجيزية .....أما السوري فهي تمنح له الاموال و الشرف لكي يتزوجها ......................ثم يهرب و يتركها تتعذب طول حياتها.........تستاهلوا..............تستاهلوا..........

والجزائري يشترطون عله قبل الزواج شروط قاسية ثم مشاكل كثيرة بعد الزواج

انا حاير فيمن يزوج ابنته لاجنبي راسي رايح ينفجر هؤلاء معروفون انهم في اغلبهم شداد افاق يبحثون عن المصلحة فقط وهم يركزون حاليا على بنات المسؤولين الفاسدين ورجال الاعمال ممن يعاف الجزائريون الاحرار الاقتران بهن كي ينهبوا اموالهم التي سرقوها من الشعب الجزائري مثل وكدلك البنات التافهات انتاع المسلسلات بهدلو بينا بكلمة حلوة تصرعها انا خطبت وحدة من ولايتي وراني خايف من اختلاف العقلية وهما يجيهم واحد غير معروف اصله وفصله يقبلو اتزوجي القريب قدام اعين باباك وخوتك يدافعو عليك ياجايحة

بالله عليكم ما دخل الدولة الإسلامية في الموضوع هذا كله الطمع في الطمع تركوا أبناء جلدتهم و ذهبوا يبحثون عن الأجانب الوسخ أفلام الغرامية المصرية و التركية أثرت على عقول الفتيات المهلوسات الطائشات كأنه لا يوجد رجال في الجزائر ولاد الأصل

إلى هذه الدرجة باتت الجزائرية الحرة فريسة سهلة منال لكل من هب و دب مقابل الطمع في دراهم معدودات
أيتها الجزائرية الحرة أفيقي من احلامك و لاتقبلي بأجنبي

هذا جزاء احتقارهم لابناء بلدهم وتعلم الحب من المسلسلات.

طالبات جامعيات لا يتعدين سن 25 سنة، يقعن ضحية الأطماع المادية ويتزوجن بأجانب من سوريين ومصريين وأتراك تزوجن منهم وفروا منهن بعد تحصلهم على شهادة الإقامة، مليجة في المسطاشات الماديات والطمعات للمادة وها هي نتائج المسلسلات التركية والمصرية والسورية، فكل جزائرية تزوجت من مهند ههههههههه اين انت يا مونية مسلم وبن حبيلس ربطوها بيديكم افتحوها الان بسنيكم/

فعلا طمعات يعشن في الخيال و المسلسلات العاطفية و يفضلن الغريب عن الاريب مو هاك لان زنمي ابن بلادي ما بيعفرف ايحب موهاك حببت شح فيكم

يستاهلو...احنا يشرطولنا شروط ماديةتعجيزية سكن وسيارة والذهب والخدمة والكاداوات ...والبراويا يجرو موراهم ...من تزوج جزائرية مات غيظا.. والفاهم يفهم..

بلاد عمي موح دير واش تحب او روح
شعب يفكر بعواطفه تغلبو بدمعة وتريشو بكذبة
نساء صدقوا ان السوري والمصري هو ذلك اللذي ادمنوا على مشاهدته في مسلسلاتهم
رجال فاقوا نسائهم غباءا فاصبحوا مستعدين لبيع بلدهم للسوريين والفلسطيين باسم قضايا الامة
لك الله يا بلدي في ابنائك السذج

لماذا كل هذا الكلام الفارغ و تتعبون بعقول الناس بالعاطفة اما الزواج فهو حلال و هو عقد بين طرفين منهم من ينجح و منهم من يخفق و بتعدد الاسباب اما عن داعش والناطو في تونس ووو و الله كاجزائري لا يهمني شيئ و خاصتا من يحكم البلد هل هو جزائري او اجنبي او مسلم او او او الشيئ الوحيد اللذي يهمني هو بناء مستقبل لابنائي في مناخ مستقر و هذا قبل الزواج لبد للانسان ان يختار المناخ المستقر و لا ينتضر حتى يسقط المهراز فوق الرئس و يبدى يشتكي, الجزائري مسكين قتالوه بالعاطفة داعش ,الناطو, الصهاينة, ايادي خريجية

كلام عام بدون شواهد وبيانات وادلة مقنعة