“محتكرو” تصدير التمور يتحرّكون لكسر الفلاحين وضرب المنافسة

في دبي دقلة طولقة بـ 13 درهم الكيلو .. حوالي 400 دينار

كما كاين مافيا نتاع المخدرات كاين مفيا نتاع تمر تشجعهم ايدى من الدولة والتمر محاصرنو الياهود باه تحطم الاقتصاد الوطنى ومدحول التمر يفوق البترول ب10مراة بصح البلاد باعوها علاه يفكرو فى اقتصدها .................مثل الحيونات يعرفو ياكلو وبس اما الانتاج ربى يجيب البقرة تاكل فى الصحراء ويحلبوها فى الشمال ههههههههههههههههه

وين شفتها 26يورو تهدر برك وعلاه كفيار بزاف6يورو

يا أخي أنا كيما تقول " إيميقري" ومع هذا ما شفناش دقلة نور. سقسي مافيا التمور وين يدو فيها..

عفوا : 800 دج و ليس 8000 دج

شكرا على المعلومات أخت جزائرية ،أودّ أن أخبرك أنني سبق لي و أن زرت القنطرة ،هي تسبق ولاية بسكرة،كنت وقتها مبتدئة في السياقة و كنت أسوق على أنغام "اندريا بُوتشيلّي " ،أقسم بالله أنني شهقت عندما رأيت منطقة القنطرة ،لا أعرف ان كانت بلدية أو ولاية ،لكنّها سحرتني كثيرا ،و دائما تدمع عيناي عند رؤيتي لمنظر جميل ،و أتحسّر على نقص الامكانيات السياحية رغم ن بلدنا غني.
الجزائر جميلة جدا،خسارة مش متهلّيين فيها
حسبي الله و نعم الوكيل في اللي كان السبب

اكيد ليس قصدهم من وراء تصدير التمور الجزائريين المغتربين وانما حبايبهم الاوروبيين مثلما يفعلون مع بطاطا الترفاس التي كاد الجزائري ينسى شكلها خصوصا النوع الجيد منها لانهم يصدرونها للخارج

وعلاش يبيعوه لنا باثمان مرتفعة مايقدرش الفقير عليها وعلاش احنا ماشي عباد ولا مايجوزش لنا ناكلو النوعية الرفيعة نتاع التمر سبحان الله القاوري خير منا ياكل خير بلادنا واحنا نشوفو وزيد واش من مداخيل لي راك تحكي عليهم احنا ماشفنا والو الا كاش ماشفت انت قول لنا وزيد بزيادة كاين بزاف حاجات يمكن تصديرها وجني مداخيل معتبرة من وراءها ماعدا التمر لي مادابينا يخليوه لنا نتمتعو بيه

ياسيدة حلازونة التمر موجود واذا كنت فعلا تحبين السفر انه موجود على طول الطريق بلدية لوطاية وبرج روز ولاية بسكرة بكل اشكال عرجون وحب ومعلب وبطانة ومربا وعسل التمر والجو جد مناسب هذه ايام فرصة لسياحة أيضا مناظر خلابة عند عبورك مدينة القنطرة جميلة فرصة لتعرفي زوجك بجمال دزاير وحلاوة تمورها والجمال الشروق شمس الصحراء ....جزا ء ر ي ة

لقيتها ب 8000 دج ،و قبلت بالسومة،حتى 1000 دج للكيلو مش مشكلة ، انا ما نبخلش روحي ، المشكلة أنها مغشوشة ،يفرغونها من عُلبِها و يخلِطونها مع الغاكاي ، ميعّد يحب يوزنلك كيلو ديتَاااشي و يرجّعها للعلبة تاعها ، فهمت يا سي مُهاجر و لّا لا ؟؟
حلزونة ex_mouhadjira

صراحة لو كان تجي للدزاير وتسقسي الجزائريين راح يكون ردهم مشابه لما قالته السيدة حلزونة لان الجميع متاكد ان دقلة نور يحرم منها الجزائري لتصدر للخارج وان وجدت بالجزائر فهي غالية ولا يمكن للفرد الجزائري اقتناءها الا نادرا

كلامك صحيح يا سيدة حلزونة وهذا ماكنت انوي قوله عند قراءتي للعنوان لكنك وفرت علي القيام بذلك فشكرا لك لكن مالم افهمه هو سبب تنقيط القراء لك بالسالب مع انك لم تقولي الا الحق فنحن الجزائريين للاسف قليل منا من يعرف شكل دقلة نور حتى ان اولادنا لايسمعون بها اطلاقا

توجيه المنتوج للتصدير يؤدي الى إرتفاع سعره في الداخل. فعوض أن يساهم هذا المنتوج في محاربة سوء التغذية عند المواطن وتخفيض فاتورة إستيراد الأدوية، نفعل العكس. التمر غالي نشرب السيكلامات.

أنا راني نتعجب، دقلة نور هنا في موسكو في (نوفوكوزنيتسكايا) بياع بتسعين روبل، يعني 210 دج (واحد وعشرين ألف نتاعنا)، وحينما جيت للجزائر، وين تروح تلقى الدقلة المدودة تباع بأكثر من خمسين ألف 500دج، فهموني يرحم والديكم واش راه صاير برك؟ ويناه هذا عدو الشعب؟ جيبوه وعلقوه في ساحة عمومية حتى يعرف الشعب شكون أعداؤه. ما تخلونيش نكره بلادي، راني خايف إذا راحوا الوالدين نقطع علاقتي بشي اسمه الجزائر. بلادي جميلة، والفساد خمجها!!!

حنا وفي بلاد دقلة نور وماناش لاحقين ليها

نحن نمشي تحت ضل النخيل ومحرومون من ثماره فما بالكم انتم الله يكون في العون هذا حالنا . ليس الذئب باكل لحم ذئب وناكل بعضنا بعضا عيانا

لولا الاحتكار لما اصبحت اغلى من الذهب في عقر دارها
نشوفو بالعين و ما نقدروش نشريوها حتى في رمضان الله لا تربح كل مسؤول له دخل من قريب او من بعيد في هذا الغلاء

التمر في كوكب الارض هو تمر الجزائر و ما دون ذلك فهو لا يرقي للمستوي المطلوب لكن هناك علامة استفهام انه عند وجود اشخاس مشبوهين و خونة لا يهمهم الا الربح السريع علي حساب طلبة جامعيين و متخرجين بشهدات دولة في فلاحة التمور و اخرين لهم شهدات في التعليب و المركات و اخرين لهم شهادت في تسويق منتوج التمر صنع في الجزائر الي ارجاء الدنيا.انا احلم بجزائر قوية حتي لو استغرق ذلك ان اكون تراب عجلاتها.

والله العضيم عيب وعار على المسؤولين ! اشتري دقلت نور تاع طولقة في كاليفورنيا ب ٤.٠٠$ والفلاح في بلادنا ميقدرش يصدر كيلوغرام واحد . بهدلتونا الله يبهدلكم في الدنيا و الآخرة يا مسعورين

لالا الصالون تمر نديروه في عاصمة الزيبان بسكرة باش يجي طاقم الشروق لكي التقي بهم في أحد الزوايا معرض وأعلق هههه قصدي واشرح لهم حكاية تمر نتاع زمان هههه وندردش شويا على احتكار واحتقار واحترام بعضنا واجب وسلام .....جزا ء ر ي ة

والتمر نصنع منه رفيس نقلي تشيشة خشينة نتاع الدقيق ونرحي التمر ونضيف الى تشيشة وهي سخونة السمن الحر أو زبدة وكوكاو أو مكسرات اخرى حسب ذوق مرحية ونخلطه جيدا ونكوره زمان كان هذا هو شكله المعروف بيه أما اليوم ندروه في طابع باي شكل نريد ونزينه بحبة دراجي او جوز أو لوز كل واحد وذوقه في تزين ولمسته ويقدم لأطفال وحتى لضيوف أنا كما درتوا لكن انا نحب نجرب درتوا بجوزالهند لنني نحبوا لكن كي درتوا بالسمن نتاع المدينة كي برد يبس من احسن نديروه بزبدة لابال أنا ايضا احتكرت اليوم هذا الموضوع... ....جزا ء ر ي ة

اصبح الكل يخلط في المواضيع فهدا يربط الزلزال بترشح الرئيس و الاخر يضن بان فتح تصدير هدا المنتج هو تهريب و احتيال من قبل السلطات...خافو ربي يا ناس دقلة نور موجودة في السوق الجزائرية بسعر 500 و 600 دج و بينما تعرض في فرنسا بسعر 26 يررو و هو مبلغ مربح و يعود بالمداخيل الى الجزائر ....كفانا من الانتقدات و لنكن امة متحضرة تاتي كل مقام مقال.

اقامة صالون تمور بالعاصمة وجيبولنا ايقامة صالون السمك ببسكرة أو صالون الكتاب التمر نتاع بسكرة يبقى هنا الي باغي تمر يجي مرحبا بيه أجود التمور يا شروق تصدر الى خارج والشعب خاصة سكان مدن الساحلية يشريو في تمر قديم مفور ومن نوعية رديئة الي حاب يتلذذ بدقلة لازم تكون عندك خبرة في نوعية وجودت التمر عندما تريد شراء دقلة اولا لكي تعرفها بانها جديدة تكون طرية وثانية الدقلة لبنينة تكون لونها أصفر وليس التي تكون حمراء لكن هي أذواق والوانها كلها تشهي مثل ألوان عسل وانا نفضل التي لونها صفراء....جزا ء ر ي ة

عدت منذ حوالي 20 يوم من زيارة لاهلي في الجزائر, و كانت الدقلة موجودة و الحمد لله, و قد اشتريت عرجونين من خيارها, طرف الطريق الوطني لبجاية. و كم فرح بها من اهديته بعض منها.
الملاحظة للاخت التي تقول دقلة نور,شياتين,المستعمر و مشتقاته, اصدقائي من العرب !!!
بكل بساطة دقلة نور موجودة و متوفرة, لكن بسعر 700 دج للكيلوغرام.
سعر مرتفع بالنسبة لدخل المواطن البسيط, لكنه اهون ان تهديه لاحبابك !!

يبعثوا فيها الي المستعمر ٠٠٠٠٠باش يكلوه لي زميقري يا حلزونه ?

150دينار ....... تمر مغبر و فيه الدود...حتى علبة التمر لا تجد فيها لا

تاريخ النهاية المنتوج......و لا صاحب المعمل..........نشرى 2 باكيات

قطو او 15 حبة كرواسو مقيا و جديدة......

اخر صيحات احتكار ....مافيا

دقلة نور راها معرمة بالقرو و الديطاي
أرواحي لورقلة برك

خلوني نتزوج من بعد قطع التمر وحليب لتوضيح لتوضيح عندنا في فلاجنا في زواج عريس شرب عروسة حليب ونوكلها حبة تمر من يدي والعكس صحيح لتوضيح أنا والله منوكل حبة تمر من يدي يا مسطاشة علي حلتك نوكلك التمر جزائري مقيم في إسبانيا

شكل دقلة نُووور نسيتُو ، يا شيّاتين ،حرمتو الجزائريين منها ، و تبعتوا فيها للمُستعمر و مشتقّاته بأبخس الأثمان
يعني يجيوني ضيوف من بلد عربي ،و نحب نفتخر بدقلة نور التي تُعطى كهدية لشهرتها الواسعة و مذاقها الرائع ،و في الآخر أقول لهم : " باغدون ،مش موجودة بالسوق الجزائري، لكن لكُم أن تتذوّقونها في باريس"
shame on you الله لا تربحكم