التبيخة

من تقصد واكتب اسمك فانت .تعي من لسانك حلاوة وتروغ كما يروغ ا ........

انا قلت فول طري يعني حجمه صغير وقشروه مزالت طرية وليس فول الفصاص يكون حجمه كبير هذا الفول نرمي قشوره تكون قاسية ونطيبوا ايضا بعدت طرق وكاين الي يخبيه في لفريزة ويجب منه من غير وقت ويطبخ بيه انا لااحب الفول الا اذا كان طري نحب نطبخ بيه البربوشة عندما يكون فال يعني جديد يكون طري مثل فاصوليا الخضراء مممم بصحتكم .....منى

حجو أعلم أني مثل أختك لكن مدوزيش الهدرة أتركها عفوية كي لا أتحرج وأنت بمقام الاخ ولن تنزل عن هذا المقام ....

انت اما حسودة ..اوغيارة ؟وانانية ولاتحب الخير الا لنفسك...

مهما ديرا نبغيها تكتفني تبيتني بدون عشاء تبيتني في شارع نعزها ونموت عليها وهي من تبغيني دلي هكدا ولغرتو منا ديرو كفنا

الحاج في رايك لي باغي يكتفك ما ضنيت يعزك على جال لقمة تع تبيخة ههههههههههههههه

الفول يتقلى في الزيت أولا أم كل الخلطة مع بعض مع كوب الزيت يا منى ونجربها أن شاء الله ..........

منى الفول مفصص وهو بحذ ذاته نقطعه فهميني

اللهم أمين يا رب العالمين ربي يتقبل منك ولك بالمثل وزيادة دعاء يشرح النفس ..وكل من أمن على الدعاء... ومنى أختي أتصيد كلمات جدتي تع بكري نحبها لأني لا أحب التكلف في الكلام وسأذكرك بالكثير يا الغالية حتى صحابااتي يقولولي تحبي تهدري كيف ناس بكري .............

اهلا بالغالية و الام الرؤوم كيف الحال اللع يحلي أيامك يا رب ، أرجوا ان تكوني بخير انت واسرتك الكريمة ، مشكورة يالغالية لاهتمامك وسؤالك وهدا ينم عن طيب اصل وكريم خلق ،مشكورة
و آمين آمين آمين يارب العالمين ، لقد سرني دعائك
اما بالنسبة لكلمة شاطر فأنا قصدت المعنى المتداول بيننا فقلت شاطرات بمعنى قافزات وحادقات ، اما المعنى الدي دكرته فلم أقصده أبدا وحاشى ان اصف احبتي بهدا الوصف ،
استغفر الله واتوب اليه
وأنا أعتدر و انا فعلا آسفة
وشكرا للمعلومة فأنا فعلا سأكف عن قولها ، دمتي لنا ياكريمة

السلام عليكم ورحمة الله وبركاته

أهلا بك بالحبوبة الغالية رمانتي الحلوة كيف الحال إن شاء الله تكوني بخير مع والدتك الكريمة ولا يحرمك منها بإذن الله

رمانتي هل تعلمين معنى كلمة شاطر أو شاطرة نحن نحسبها مثل الذكي أو القافز لكن هي كلمة سيئة جدا وهي من أسماء الشيطان لعنه الله وتعني أيضا الخبيث الفاجر وكل الصفات القبيحة هذا فقط زيادة في المعلومة والكف عن قولها حبيبتي شكرا

أنشر حفظك الله

لما الاعتذار يواقعية كمتضني تلقي اصبحت الصداق حاجة نذيرا والمحدا لله نحن هونا اصدقاءواخوا في الله وربما لن اشتيق لرؤيت بعضين لبعض ونية صافية تهدا لجبال ان شاء الله يكن حبنا في الله لي كلي شياء لتعتذير الاختى لاخيه

تحية للجميع و بالصحة و الهنا والله يا اخوان احيانا اشتهي الاكلات هذه مع انها تكون مختلفة عن مطبخنا السوفي و لكن لا مانع من التعلم و التجربة و يزيد الاخ الحاج كل ما نشوف تعليقه على هالاكلات و ارى كم هو متحسر لغيابها و يفتقدها و يفتقد اللمة الحلوة معذرة يا الحاج لكن كلامك يعطينا هالانطباع و ربي يحفظلك العايلة الكريمة

الله لا يغيبك راني هنا وين راح نروح نقعد معاكم انتم حبابي
الحمد لله والله فرحتني كي نسمع بلي تحسنت وراك بخير .
وزيد البنات تاعنا شاطرات ويتهلاو فيك منى ونووها ام نور و الفاضلة كريمة ربي يهنيهم .

يرمانة ركي تغيبي بزاف واش وكيف راها الولداة ربي ارضها عليك ونا رني الحمدولله رني نتحسن وكريمة رها متهالية فيا مرا بركوكس التبيخة كل مرا تخلعني بحاجة الله يبارك فيه ويوافقها في حيتها قلو امين خيرا مطردني مالكوزينة

ربي يحفظك يامني بين بلي سجية فطيب ومن ركي بدري كنون مع نووها اومتسربليش نسيتي بلي أن لينجب المصروف غدي ن الصرف ند يه الكريمة توكل الجميع ونتي قعدي نتي الكنون

لانه وقت الفول انا طيبتوا كما وصفت لكم لكن انا افضله بدون طماطم اضيف له فقط ليمون جربيه يا نووها انه شهي يقدم كامقبلة مثل الحميص كي يكلوه مايعرفوهش يقولوا لك ماهذا قولي لهم تذوقوه لكي تعرفوا صديقيني مايعرفوهش حتى تقولي لهم انه فول والحاج خليه في نيته يقول عليه تبيخة بالمرقاز ههههههههه مع اطيب ...........منى

فول الاخضر يكون طري اي لايكون حجمه كبير وتقطعيه فوق لابلونش قطع صغيرة +حبة بصل مكرفجة +ثوم مكرفج حسب ذوق +فلفل اسود وكسبر مرحي وكروية وفلفل حار مرحي وحوالي نصف كوب زيت حسب كمية الفول يجب ان يتقلى في زيت حتى يذبل مليح +ملح وقليل من ماء فقط ونغلق عليه كاكوط اذا كنا مزروبين او نتركه يطيب في مرميطة عادي ثم عندما يطيب نضيف له حبة طماطم مرحية وقليل من طماطم مصبرة وكمون ونتركه يغلي 5د ثم نضيف دبشة مقطعة رقيق وعند تقديم والي يحب يضيف له قطرات من زيت زيتون او يقطع له زيتون الاسود والاخضر شهية طيبة...منى

عليه افضل الصلاة وتسليم آمين يا الحاج ربي يخليك ويهنيك بنت حرمين وعليكم السلام ورحمة الله وبراكته ربي يمتعك بالصحة وعافية ويقويك ويفرحك بجميع اولادك آمين نووها فكرتيني بكلمة كانون عجبتني ياسر عندي زمان ماسمعتهاش ربي يسمعك بالخير كون نديروا مع بعض الكانون مسكين الحاج يبقى غير هاز طبسي ومداير لاشان نخليوه هو لخر يخي لخر مبخر هههههه عبالك انا ايضا كريمة وحمد لله مانيش شحية كي منسربيش للحاج في صحن نتاعوا سربيلوا انت وضرك نعطيك وصفة لذيذة للفول الاخضر ....منى

الله أكبر الله أكبر الله أكبر هدا هو الحاج اللي لازم نفتاخرو بييه
اللهم آمين آمين آمين يارب العالمين
أمنوا جميعا ، ربي يجيب الخير
نووها أم نور

قلبي يقلي نووها تعزك كيما تعزها وكثرا الله يفرحك والله يعزك والله ينصرك وان شاء الله العين لي تنظر فيك وتنو الحسدا تعمة والعقلا لي يفكرا بها يأذيك ينظلو الحاب في راسو ويتهدا ساسو وان شاء الله يجعلك امامك نوراوخلفك نورا وعن يمينك نورا وعن يصارك نورا وتحتك نورا وفوقك نورا وجبين نورا تسميه ونورا امييييييييييييييييييييييين والله مصلي على محمد وعلى الي محمد.

صح تشهي لكن التبيخة تجي بالدرسة الله الله في مكان الطماطم و مافيهاش الكمون

sah la foto tchahi mais tbiykha tdji be derssa lahllah w l3akri fi 3awt tomatich w bla kemmoun

ام تشاهي يعطيك الصحة

منى هي مجرد وصل ترفيهي ربي يحفضكم يعني يرضيك صح نحرموه والله غير تخيلتها غير غاضني بصحتكم وصفات كريمة المتميزة والله مشغولة شوي نكمل شغالاتي وأرجع لجوهراتي العزيزات وتحياتنا بالاحترام والتقدير لكم .....نووها

نووها ههههه خليك ديما هنا وعسي معايا الاطباق مرة جايا علبالي يجبدهم بعينيه كان عندك ليزو وجديه مقابلة راح تبدا هههه بنت حرمين وعليكم السلام ورحمة الله وبركاته ربي يمتعك بالصحة وعافية والله مايحرمنا منك ومن طيبتك وحسن ظنك انت الخير وبكرة دعواتك لنا وشكرا ............منى

ركي منورا الكوزينة وهذي الغياراة نووها رهي متعبتني كريمة تعرضني وهي تحرم علي الفطورا غدي نديرلها المنوم فالعصيرا ونتهنا منها ونفطرا على رحتى تحياتي للجميع وان شاء الله تكونو من المتحابين في الله .شكرا بنت الحرمين...

عزيزتي بنت الحرمين أهلا بيك نورتي الجلسة هادي غيبة غير نضحكوا برك ... .....نووها

السلام عليكم ورحمة الله وبركاته

يعطيكم الصحة يا بنات هكذا عملت حال في خويا الحاج مفروض تونسه بكلمات طيبة راكم رايحين تربطوه على جال طبسي تبيخة ولا يهمك خويا الحاج نطيب ونبعث لك مع (ups) هكذا يلحق سخون وأنتما 2 اصبروا ننزل ونورلكم شطرت في الحاج المسكين ههههههههههههههههه

ربي يوفقك ويفتح عليك أبواب الخير من حيث لا تحتسب خويا الحاج

أنشر حفظك الله

والله غير أنت كبير بلا هاذي وذيك قلت نربط غير اليدين بصح التكتاف راك من الرقيبة للرجلين .... روس ماري ويفرحك ربي ويهني قلبك بما يرضيك والحاج راك مقامك عالي بصح غاضتني الطبسي تديه ومتقولش غير نعطيهم نتشة ولا مصرانة نبلو بيه ريقنا خليت فامنا محلولة هههه أنا ومنى نديروا كانون وحدنا ونطيبو وتشوف بعينك ونقولك أهاااه وحلفنا ههههههههه والله غير حقي نعطيهولك ونبات بالشر ومااااااا عليهش .............نووها

بركالله فيك على كلمة الله يشفيه رني محتاج لدوعاء برك الله فيك ومتخفيش حقي نقسمو معاك المهم نووهاومني منفرحهمش بطبسي والبركة في كريمة

ينووها كون غير قلتي نكتفوه كبرتي بيا بكلمة نربطواه

ربي يفرحك نووها والله غيرت مزاجي وخليتيني نضحك بالعالي ربي يسعدك دنيا وآخرة ويدوم لك الضحكة
والحاج ربي يشفيه ويشهيه هنيئا مريئا بصحتو ان شاء الله لكن خليلنا حقنا ما تديهش كامل.

منى ههههههه والله تخيلت الموقف أن الطبسي تحط وناض الحاج وخطفوا وراح يجري وداير زاورة على كتفو ويجري في الشارع في البرد وياكل ويقوول هذا رايك يا كريمة وش درتي فينا هههه وراه موش حابس ياكل حتان فض الطبسي ... ساعتها قلنا لكريمة من فضلك نهار لي راح تطيبي قولينا نربطوا الحاج ونديرولو رياقة تع الصغار يتفرج برك ههههههههههههه......................

wawwwwwwwwww tchehi te3 elsah walah ghir tkoul elwahed yedkhol fi elmicro yakol ya3tik elsaha ya lalla

سي الحاج انت تعطى صورة سيئة عن زوجتك إللى شوف تعليقاتك يقول ما عندك مرا فى الدار ولا هى خايبة كون انت الفحل واقرأ معها ركن الطبخ واكيد ستبدع.

السلام عليكم ورحمة الله وبركاته

تسلم أناملك سيدة كريمة التبيخة من الأطباق الأصيلة في الجزائر لكن يأكلها الكبار فقط مع أنها لذيذة جدا إلا أن الأطفال عندما يرونا الخضار ينفرون منها

أخي الحاج ساعات أشك أنك متزوج كل طبق تتعلق به وكأنك لم تتذوقه من قبل ربي يعينك أخي

أنشر حفظك الله

ممممم قرنون تقول لحم وحبات روز زادت عليا هذا هو وقت الفول الاخضر كاين الي يحبوا مالح وبنين ناخذ فول ونخير حبات كبار ونقصصه اي يكون بدون قشور ونطبخه في ماء وملح ثم نصفيه ونضع له لاصوص نتاع سلطة الحاج هههه ياواحد سخاف ونستعرف بها كريمة شكل طبق يشهي بالرغم انا ماعندي حاجة في جلبانة المهم ياكريمة شكرا على طبق انا ناكل القرنون والحاج نخليلوا غير فول وجابان ههههه ولا واش رايك نووها راه قريب يخطف لنا طبق من جواهر ههههه ازربي شوفلنا حل معاه انا نحب قرنون ههههه .........منى

انها من اشهر الطبخات في فصل الربيع عند البليديين لكن بدلا من الطماطم المصبرة نضع الفلفل العكري ، وهي لديدة ومفيدة ، فرق آخر بين ما نطهوه وبين الصورة ان التبيخة عندنا تكون اقل دسما يعني ماشي كامل هديك الكمية تع الزيت ،
شهية طيبة
بالمناسبة نظرا لاحتواء التبيخة على النعناع و الارز و الجلبانة يقترب دوقها من العصبان ، وان كان الفرق شاسع.

يعطيك الصحة أكيد ستكون لذيذة بهذه المكونات اللذيذة والمفيدة خاصة القرنون مفيد جدا للكبد والمرارة، إلا أني لا أفضل الطماطم المصبرة والتوابل في مرق الخضر فلو كانت طازجة تكون ألذ.

يكريمة غيرنتي وغيرنتي وغيرنتي لطبخة نتي وغير أنتي لتركبي لي دوخة في كرشي تنهت تنهيدا قريب خرج طبسي مالميكرو