سائق حافلة ببشار يحرق جسده بسبب مخالفة مرورية

كل يوم تطل علينا الحكومة بقانون جديد مقتبس من فرنسا. لقد عكرتم حياة الشعب و القانون الاخير فرض الحزام الامني الخلفي للسيارة من اجل زيادة ارادات السلطةو ليس الجانب الامني . فلنحرق انفسنا جميعا لعيشوا فيها وحدهم تحتى الريا الفرنسية

حقروه حقروه حقروه

الفقر كاد ان يكون كفر الله يشفيه ممكن هذا الآجر كسائق عند هذه الفيئه التي تستعبد البشر كعبيد وتستغلهم بشريا بأجر زهيد و ينتهزون فقر البشر ممكن هذه المخالفة كلفت له اجر يومين اوثلاثة لآننا اليوم اصبحنا بين اما المخالفة وهي قانونيا او يستغنى عن السياقة و يرى ما يعمل واولاده يرزقهم الله

ياخاوتي انا نخدم روسوفور معا هاد السيد اللي حرق روحه والله غي ظلمه الواكدي وانا حاصر غي انا شدني الواكدي من 4.45 الى غاية الساعة 6 وكي قوتلو علاش راك شادني خليني نوصل لدارنا قالي بلع فمك دوك كي نقولك روح عاد روح لداركم والله غي ظلموه وانا راني نقول غي كلام الحق مانزيد في الهدرة مانقص والله على مااقول شهيد وللاطمانان السيد اللي حرق روحه راني هدرة معاه غي صباح وراه في خالة صخية جيدة احكيت حتى معاه في الهاتف ون

طلبو من الله عز وجل ان يشافي هاد الانسان وان يظهر الحق

لماذا يطاب الشرطى من سائق الحافلة أو سيارة الاجرة ان يوصل الزبون او المسافرين الى المحطة و الرجوع اليه ؟ و هذا ما حدث مع السائق المحروق و السبب ان اعوان الشرطة لا يريدون حضور الشهود عند اي تجاوز او استفزار و باي قانون يتعاملون به مع المواطنين . فاذا كان السائق قد ارتكب مخالفة لماذا لا يحرر محضر مقابلها في الحين ، ان كان رجل الامن شرطي او دركي على صواب و لم يظلمه. اهملت النظام يا سي الهامل

ياخاوتي انا اللي نخدم معا هاد الشخص اللي حرق نفسه والله غي ظلموه غي انا شدني الواكدي من الساعة 4.45 حتا الساعة 6 كي قوتلو علاش راك شادني في الباطل قالي بلع فمك كي نقولك انا روح عاد تنجم تمشي ياو ربي يجيب الحق والله على مااقول شهيد

حقرة كبيرة راها صايرة لعنده الدراهم والمعرفة يدير كل واش حب ............
والله يسلكنا من اولاد لحرام

نتائج الغضب اسوء من سبب.

لماذا احرق نفسه يرحم بابكم وين راها الفايدة ادعولو ربي باش ما يموتش خاطرش لوكان يموت كيف يكون مصيره مع الله وقد قتل نفسه على الشباب ان يجعلو الله هو حسبهم ووكيلهم فالله يمهل ولا يهمل وينتصر للمظلوم ولو بعد حين

الضغط يولد الإنفجار مزال كي نولو نمشو على رجلينا ببليغة يديرولك بروصي وامثال هذا الشرطي كثير
والمشكلة عند التخرج يحلف وهم في الرشوة دايرين حالة وهذي معروفة في اي بلاصة ديجا صراتلي حبسني وقالي تبيع في اللوطو رديت عليه بلهجة استفزازية قالي تعديت على هيئة نظامية على الاقل ديرو في مقار الشرطة والدرك سجلات وخلو الناس تكتب ملاحظات عليهم وتشوفو الحقرة لان منين تشكي بيه ميعطوكش الحق صادق على الف وهو داير حالة في اي ولاية تلقى العامة تحكي حتى على اسمايهم ولكي نكونو منصفيين فيهم رجال منا ليهم الف تحية

في حين فتحت مصالح الأمن تحقيقا في القضية للكشف عن ملابساتها؟؟؟؟؟؟؟؟

يعني مناس حاضرين ومناش فاهمين وش اصرا بصح باينة دارلو مخافة بشكل استفزازي خاطر احنا اغلطنا وصراولنا مخالفات بصح مزعفناش خاطر علي الاقل كلمة طيبة القيناها

انا مرة اوقفني شرطي امام مقر الشرطة ( ماشي اوقفني ياو ڤرساني ) صوطا عليا حبَّسني دخَّل راسو في التاقة انتاعي حتى صدري ثم اخرجه و ڤالي روح شوف وين اتڤاري و ارواح ... و بقيت نبحث عليه في مركز الشرط من مكتب الى مكتب و كي الڤيتو ...استناني هنا استناني الهيه المهم ساعةو نص اخبطني ببروسي 2000دج بلا ما ڤالي علاش ؟؟؟ سقسيت واحد من الجماعة اللي خطفوهم كيما انا : ڤالي ( دارلك بروسي على البليغة ) ... وفجأة جاء موكب عرس عاڤب و الفيموجان و الرقص على اسقف السيارات و البوليس يشوف ...

اليس هذا من ارهاب الطرقات

شهادة لله . البلاد تحولت الى منطقة عسكرية محكمة الغلق . كل 2كلم باراج هات كواغطك وين رايح . حل لامال. دير الما. دير الزيت. دير فيوز؟ واي حركة يمكن تصبح بملف للعدالة .
لماذا كل هذا الامر ؟ ما الهدف ؟ هل من اجل الحفاظ على امن الناس ؟ هذا آخر ما يفكر فيه ان هذه الاجراءات لحماية الناس ؟ قريبا سيشعل الشعب نفسه كله وليس هذا السائق فقط .. مسألة وقت فقط. هل يمنع الناس من السير في الايام القادمة ؟ هل اليابان تطبق هذه الاجراءات؟ لماذا يستثنى ناس في قطاعات معينة من هذه الاجراءات؟ هل يوجد شعبان جزائريان؟

الشرطي الذي تسبب في حرق الشاب معروف لدى كل سكان بشار باسم الواكدي نسبة الى قبيلته الواكديين و التي لها حساسية اتجاه سكان المدينة و كل مستعملي الطريق الوطني رقم 06 يسخطون من معاملته لهم الاستفزازية ضف الى ذلك ان هذه الحادثة الثانية ببشار سببها الشرطة و ضحايا هذا الشرطي و بعض زملائه هم سائقو الحافلات و الشاحنات و سيارات الاجرة و الفاهم يفهم .احيانا نقدم من مدن الشمال لا نتعرض لاي مضايقة الا عند دخولنا ولاية النعامة و بشار اين تكثر الاستفزازات و التجاوزات عند نقاط التفتيش بهتين الولايتن .

لا حول و لا قوة الا بالله، كيف اصبح الانسان رخيصا.
و هل الانتحار حل ؟
هل القبر ارحم من مشاكل الدنيا ؟
قال نومت نتهنى .. ياو فيقو الله يهدينا و يهديكم.