هذه خلطات السدر لجمال الشعر؟!

la princesse aux interminables cheveux ههههههههه

اذن انت raiponce تاع القصبة !.الله يبارك !مليح تتهلاي في روحك! لازم! Les huiles essentiels ça c'est très bien !
على بالي ما نوليش فرطاسه معاك، نقصر برك، لكن مسيلمة ما نضمنش هههه ....

حتى انا شعري شباب وطويل ولكن نحب نتلهى بروحي خاصة الخلطات الطبيعية انا اشتري الزيوت الاصلية التي تصنعها مختصة في البيت خاطيني خلطة مسيلمة .ماتخافيش تولي فرطاسة.

إلى لمياء شكرا عزيزتي انا الحمدلله شعري رطب و شباب(و مانيش نزوخ ههههه ) ما نحتاج لا خلطة لا جلطة ههههه .
خلطة مسيلمة +خلطة لمياء=فرطاسةأكييييد .

السلام عليكم
هذه الشجرة موجدة عندنا في جانت جنوب الجزائر (ونسميها كورنا).

خلطة مسيلمة؟!! خايفة برك نولي boule à zéro !ههههه

ادا احتجت لخلطة شعر فعليك بزيت الضرو Huile de pistachier lentisque او Huile de costusفهي رائعة للشعر ومجربة لكن تحملي الرائحة القوية لها وموجود في الطب النبوي .

حتى انا قلت بالمصرية والفيلم باين افهم يا الفاهم المردقوش ماتكثريش منو كاس شاي يكفي وماشي مع الزبادي هههههههه الزبادي اشربيه مع les grains de pollen .بصحتك

ياشروق بركاو من سرقة المقالات المشرقية بدون إعطاء مصدركم فهذه تعتبر بلاجيا حقيقية يمكن أن تتابعون قضائيا كذلك لاتكتبون مقالات خاصة بصحة الانسان بدون إستشارة مختص أو صاحب الخلطة

نعم هي copier coller وكور و مد لعور!!!! احنا déjà من الشرق للغرب تختلف الكلمات يزيدولنا كلمات المشرق. اليوم أكلت زبادي مع بردقوش ههههه.
لا احتاج الى خلطة للشعر حاليا لكن خمم فيها وقولي ربما احتاجها يوما! On sait jamais.
Oui je connais ! L'année 2016 c'est l'année de la disparition des plus grandes célébrités jusque là

يا لمياء يا اختي لو قالولي السدرة من الأول ياو هذيك نعرفها (ياك نقولو على شعر حرش عامل كي السدرة هههه )أما le yaourt bien sûr je connais هههه.الصابون النابلسي انا خممت من نابلس لكن الحق لا أعرفه، شكرا على المعلومة. بصح عندو الحق مسيلمة الكذاب هذا غير copier coller وهذا واش حبيت نقول. ما الفائدة من خلطات لا نفهم حتى المحتوى؛ على الأقل يحطوا بين قوسين الكلمات المتداولة. مزيه راكي هنا قتلك نتكل عليك!

قص ولصق لا اكثر ولا اقل. مقالات من مجلات يمكن خليجية مشرقية. نعطيك خلطة مسيلمة ؟ المرة القادمة.
le monde de la musique vient de perdre le chanteur Prince , et avant lui le grand colin vearncomb du groupe Black si tu connais, it's wonderful wonderful life 1987

Le yaourt الزبادي بالمصرية اما الصابون النابلسي Nabulsi soapهو نوع من الصابون تشتهر مدينة نابلس بفلسطين حيث يحضر من زيت الزيتون والصودا الصيغة الكيميائية (NaOH).

السدر دكر في القران الكريم ﴿فَأَعْرَضُوا فَأَرْسَلْنَا عَلَيْهِمْ سَيْلَ الْعَرِمِ وَبَدَّلْنَاهُم بِجَنَّتَيْهِمْ جَنَّتَيْنِ ذَوَاتَى أُكُلٍ خَمْطٍ وَأَثْلٍ وَشَيْءٍ مِّن سِدْرٍ قَلِيلٍ﴾ (سبأ/16).السدرةLa Bourdaine ou Bourgène هي شجرة صحراوية ذات أوراق كثيفة يصل ارتفاعها في بعض الأحيان إلى عدة أمتار، أزهارها خضراء اللون صغيرة الحجم، و موطن شجرة السدر هو جزيرة العرب و بلاد الشام

ما معنى السدر؟ الزبادي؟ الصابون النابلسي ؟؟ اعطونا مفردات نفهمها بالجزائري. أم أنه أنا من لا تفهم اللغة العربية! و الكل راه فاهم! !!