ولد خليفة يوزع المهام على نوابه التسعة في مكتب المجلس

تحيا الجزائر نعم لكن على الحق ماشي زكارة نساندو اصحاب الشكارة

في رأيك أنت واحد صالح صح مالقا وين يناضل حتى يخالط المافيا .يا اما راهو على شاكلتهم . ويا اما هو مغرر به باش يزينو الواجهة . ضرك نشوفو هده الاستادة لما ماتعجبهاش حاجة تقول راايها والا ترفع يدها مع الرافعين .للاشارة الفوط برفع اليد بالعاني باش تخرج للطحطاحة لو كان جاء صندوق على الاقل ما تبانش.سياسة ترغيب و ترهيب...جيب ليسانس والا الكيروزين

مسكين قاله عندها ماجستير من مصر .. اسألوا اهل الذكر .. ما معنى ديبلوم معهد القاهرة
وزيد يا نواب الرايس واش معنى .. نائب الرايس مكلّف بكلّ شي .. عفواً الشؤون العامة ؟
حرام و الله حرام

مبروك عليك يالحاج علي الهامل الله زيدك من خيرو اول مرة واحد من ادرار يتولى مسؤؤلية خير من دوك الراقدين اضرب الطابلة وجيب حقنا رانا رشينا في طوب الطين والشمس الحامية في الصيف لازم نخدمو من 07 الى 12.00 ماعليش بنصف الجورني المهم اضرب الطابلة والله معاك

طز في الحقوق وشهادتها. هذا الاختصاص سيدمر البلا و العباد.

رانا درسنا في الجامعة وعندنا ماجستير ونعرف طلبة الحقوق كيف يتحصلون على الماجستير. خلي البير بغطاه.

الاستاذة فتيحة عويسات ...عندها ماجستير فالحقوق من جامعة مصر + استاذة بجامعة سعيدة
وهي انسانة مثقفة و محترمة مشاء الله
نحن سكان ولاية النعامة نتشرف بها كممثلة لولايتنا ونتفائلو خير بها ...ونتمنو لها التوفيق وسداد في مهامها وان شاء الله خير

تقصد توزيع الكعكة بعد النجاح الباهر الّذي حقّقتموه في إمتحان التزوير بحضور مآزرين دوليين.....
قال رئيس المجلس الشعبي الوطني....!!! شكون نتاخب عليك وعلى صحابك وشكون راك تمثل وشكون راه عاطي وذنو ليك وللغاشي القديم الراشي لراه معاك....!!!
برلمان شكلي لايمثل إلا أهله، منكم وإليكم، أنتم في واد والشعب في واد آخر، نفس المسلسل، نفس اللّقطات، نفس الصور، نفس الأشخاصرالّذين أكل عليهم الدهر وشرب.
لكم الحكم والملك ولنا الله والدعاء، إن كلّ شيءٍ خلقه الله بأجل وبقدر والساعة موعدكم والساعة أدهى وأمرر.

تحيا الجزائر ولو كره الحاقدون

يكثروا غير العلمات تاع الجزائر في مكاتبهم والقلب معمر خديعة

بل توزيع المغانم و الامتيازات على نفس الوجوه التي لم تقم باي عمل في العهدات الماضيه .
مبروك عليكم ريع البترول احنا رانا مستقيلين ربما حتى من الحياه.

المسألة الكل كي دورتو بيكم النساء راكم تربحو وتسلكو على خير ...همالا كيفاش.. ولد خليفة عندو فالخشخاش و بلخادم يعرف يموه بالشاش بون كيستيو... اقرا التوارخ يا الشعب الدايخ

.... البشير بوكثير، راس الوادي، البرج34

توزيع الرباح على الناس لملاح:

يخلصوا في الدنيا قبل الاخرة والعاقبة للمتقين. اتعضوا يامسؤولين... راه كاين ربي.

بل يوزع الغنائم على .....

أقسم يا وليد خليفا أقسم الخير كاين راه يدفق الخزينة راهي معمرى حتى وليتو تمدو سوارد لي صندوق نقد دولي FMI وشعب خلوه يرشى بصديد والمزيرية والفقر والجوع وتمرميد ربي صبحانو كاين الفاتورة تخلصوها عندو يوم الحشر إنشاء لله .

االعاب احميدة والراشام احميدة .....العب مغلوق....

دولة من ورق في اي لحظة تحترق.

"...يوزع المهام على نوابه..."..........المهام ؟؟؟؟ يعنى السكن الفاخر و السيارات و الدرهم بزاف و المشوي و التحواس......و الا هل هناك مهام غير هذه؟

ياو ديروا واش تحبوا واحد ماعلابالو بكم راهي ليكم قسموها كيما حبيتو حنا كلينا وشبعنا ورانا هانيين يا وجوه ال...........