بن بادة يعترف بارتفاع الأسعار ويحمل المواطن المسؤولية

سلام عليكم: مع احتراماتي يا شاغل منصب الوزير، مون جيت عارف خدمتك انت وشنهي كون تعرف شكون السبب

ان كان سبب الغلاء من الشعب فالوزيرمن الشعب لهذا هو يتحمل مسؤوليتان .
مسؤولية المواطن المستهلك ومسؤولية السلطة

الوزير عندو الحق راهو قاصد المواطن تع سيدي يحيى .حيدرة وسط .المرادية.الصنوبر البحري.موريتي علا خاطرش البقية تمارس الفلاحة يعني يوجد اكتفاء ذاتي لهؤلاء

Ben Bada dans le pays des merveilles
Fort et fort nos responsallllllllllllll...

كي الشعب هو سبب الوزارة راها زيادة علاش ندارت هكدا قلعوا الوزارة وخلوا الشعب يسير حاله

يا جماعة ولينا منعرفوا والو كل واحد يغني الغنية لي يحبها او فالاخر المواطن البسيط هو لي يشطح حتى يطيح ko

سلام عليكم: مع احتراماتي يا شاغل منصب الوزير، مون جيت عارف خدمتك انت وشنهي كون تعرف شكون السبب

le ministre qui ne peux rien faire aux citoyen et qui l accuse n a pas de place au gouernement doit laisser al place au personne competent

السلام عليكم،
أبدأ بالعبارة التالية:"إذا أسند الأمر لغير أهله فانتظروا الساعة". الرجل غير المناسب في المكان غير المناسب.
سياسة الهروب إلى الأمام من قبل الوزير. يتهم المواطنين.
أين هي مصالح الوزارة التي يشرف عليها التي تتولى القيام بعملية التنظيم للثوق.
في الديمقراطيات الغربية المحترمة ، بما فيها إسرائيل التي أنشئت في 1948م فقط، الوزراء و المسؤولين يقدمون فقط الإستقالة، و لا يتهمون شعوبهم بأنهم السبب، فيعترفون بالفشل. نحن نتهم الآخر عند الفشل

الشعب هاج كي وصل رمضان تقول الماكلة غدوة تخلاص ( ما كانش خلاص تقافة الاستهلاك) ربي يهدي ماخلق صدق رسول الله ( عش في حدود يومك)

علبالو بلى وكان انوضوها رايحين احنا لنخسرو كل شئ والدليل القذافى مصرالو والو وراهم يدعمو فيه بصح ياسيد الوزير احنا مناش حبين تنوض احنا حبين ناكلو لقيمة قد فمنا برك بسعر معقول الله يهديكم فى هذا الشهر الى تمحى فيه الذنوب نقصو مرة فى حياتكم اسعار السلع نجوزو رمضان بخير مشى كى يخلاص رمضان منلقاوش وش نشرو البسة لولادنا للعيد ورمضان مبارك للجميع.

أنا عندي الحال أعطلي عملك شهر واحد في رمضان لاتتكلم مع تجار من هذه ساعة
أرسل رجالك إلي أسوق يتكلمون مع موطن بجتناب مواد مضارب فيها
إجتنبو لأسوق يامغفلين 3 أيام فتجدو نتيجة أنا مغترب في إيلندا دبلن عصماتها
أراها كل يوم الموطن هنا يتحكمون في سوق يتجنبون مود الغالية

يا سي الوزير اذا لما كنت تتكلم عن التحكم في الاسعار و تنظيم السوق كنت تص
قصد بلد آخر .
و من يحمي الشعب الغلبان اللي ما شبعش خبز و حليب من الشعب البشع اللي اكل البلاد و ما فيها و شبعان جمبري و كيوي و من المسؤول عن وجود شعبين في بلد واحد
و بالضبط قل لنا بربك انت وزير لأي من هذين الشعبين

المشكل فينا ,,ان كل واحد يلوم الاخر,,,,الوزير يسرق , التاجر يسرق,, الامام يسرق,,حتى ايسط عاملة في المستشفى(فام دومناج) تسرق النشاف و الماكلة نتاع المرضى,,,الكل يسرق الى من لم تتح له الفرصة,,,,قولولي الحكومة انتاعنا منين جات ؟اليس من الشعب,,, و هذ الشعب الي يشكي من السراقين لو اعطيتوا منصب كبير لاصبح سراق كذلك,,,اذا على الكل ان ينضر الى نفسه ,,و يسالها,,,هل لو اعطوني مصب كبير ساسرق؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟او

لوكان الناس تشري على حساب ليتاكل كو ما سراتش هكدا بصح الناس تاكل وتقيس كو غير يوكلوا معاهم المساكين

انا نعرف حاجة وحدة برك انو الشعب هو صاحب مسؤولية غلاء الاسعار على خاطر نشريوها ومن بعد نقولو زادت بزاااااااااااااااف خلونا نكونو حاجز لهذه الظاهرة انشري ياشروق

كي الشعب كي الوزير.............

.....واش نقولك يا سيد روحك ما يحس بالجمرة غير اللي كواته

التحكم في الا سعار مسؤولية الدولة اما المواطن واش من صلطة عندوا................ حسبنا الله و نعمى الو كيل

صح رمضانكم يا شعب الجزائري ، حبيت نقول أنو الناس التهفت و كل مناسة سواء رمضان و لا عيد الأضحى و لا عشراء و لا المولد النبوي ولا ....... ترفع الأسعار بشكل غير معقول حتى المواطن الضعيف لا يستطيع شراء متطلباته اليومية ، نطلبوا من السلطات إعادة النظر في كل القرارات ، كما نطلب منهم الاستمرار على المراقبة في كل أسبوع .

انا اشريت 40كغ لحم و 30كغ دجاج و 20كغ كيؤي و15كغ عسل..........
ياخي وزير ياخي....
كاين عباد والله اول يوم رمضان راح ياكلو شوربة بالجمبو

salam, ya raqm 29, c'est le contraire ya akhi

وزير منعد م الضمير وغير قدر على المسوّلية

معه حق فالناس غزت الاسواق و تشتري بلهفة لا نظير لها حتى انعدمت بعض السلع من الاسواق

قانون العرض و الطلب معروف وهو كلما زاد الطلب انخفض السعر إلا في بلادنا زيادة الطلب تؤدي الى زيادة السعر سبحان الله

رانا كرهنا من كذبكم لأنو متقدرو ديرو فيها والوا سوي راكم تخموا بحوافركم.

قيل للرجل الصالح:ابراهيم بن أدهم: لقد غلا اللحم يا شيخ فقال: ارخسوه.فقالوا: كيف؟ فقال: لا تشتروه..

دا وزير معانا دا؟
لزمو عذا الوزير يروح يتفرج مسرحية الزعيم و يجيب الحل من ثمة. و يسمع واش قال الزعيم لوزير التموين باش يقضي على النقص في السلع و إرتفاع أسعارها.

لماذا دائما الحكومة هي السبب المشكل فينا نحن الشعب نشتكي و لكن دائما نشري
مدامنا نشري بهذا السعر سواء المواد الغدائية أو Billet davion بأسعار مرتفعة كأننا نقول لتجار نحن قادرين و لا يوجد اي مشكل
ان نشتري الا المهم فان احتكاريين حتما يخفظوا السعر و الا السلعة تخسر و هما يخسرو لا يوجد اي حل اخر
شهر التجارة و العمران و ليس شهر التوبة و الغفران
بركة في القليل و الله يقبل

بمناسبة شهر رمضان الكريم اتقدم باحر تحياتي

ياخي شعب ياخي باغي ياكل مليح وبلاش اين هي عزة النفس

هذا الكلام لا يجب ان يقوله وزير من المفروض هو في خدمة الشعب لا غير
فاذا الشعب اراد خفض الاسعار فلا بد للوزير ان يستجيب والا فيرحل .لانه ياكل من مال لم يتعب لاجله.كم مرة وعتدمونا بخفض الاسعار و الشروق شاهدة على ذلك ثم الان مازال لم ندخل في رمضان تحملونا المسؤولية.لو كان عندنا في الجزائر قضاء حقيقي وبرلمان حقيقي لقاموا باستجوابك واعلنك استقالتك.
لكن عموما الشعب صارت عه مناعه من كلامكم ويقولك صح رمضان.والاسعار ماتخافش الله كفيل بيها وبينا

rabbi yehdik ya rajel!! wallah j'ai jamais ue un mistre dire de pareille explications sauf en Algerie.!!!

السلام عليكم
أذا كان المواطن هو من يتحمل المسؤولية يا سي الوزير
فما المسؤولية التي تتحملها أنت في الوزراة
وأين هي الرقابة و تسقيف الأسعار وووو
دائما تقررون وكل سنة تتخدون التدابير ونحن نرى إلى الغلاء في تصاعد
لباب العلم هل في رأيك يا وزير المواطن العادي هو من يراقب أسواق الجملة !!!
هل من يقرر ??
أنت السؤول الأول والأخير والمواطن مغلوب على حاله

هذا ليس عذر لانه من المفروض ان قانون العرض و الطلب يصبح باطلا في شهر الرحمة دون ان ننسى المضاربين و المحتكرين رانا عايشين مع قوم اشر من اليهود هكذا ذهبت الاخلاق في بلادي ليحل محلها قانون المنفعة المطلقو و يصبح رمضان مناسبة تجارية.

هذه لغة الخشب التي "تفور دم المواطن" ، كيف بدولة بكيانها و مؤسساتها و أجهزتها لا تسطيع ضبط سير أسواقها ؟؟؟
المتجول عبر أسواق ربوع الوطن يجزم و "باليمين المغلظة" أن هذه البلاد لا قانون فيها و لا مسؤول، و الكل يلقي باللآئمة على غيره

essalem 3likoum ramadan karim ila koul el ikhwan ...el mouchkila sah rahi fi ezwawla 3la khattar tol el 3am emzayri essantoura yaklou guir loubya 3dass makaron ou ki eydji sidna ramdan yatchahaw echriba ou el bourak ou kalbalouz...yazwawla riyhou saymin ma tafatroch sa3adat el wazir hayartouh talfatlou fal 3ard watalab .....
ardjou enachr..........

قبل سنين خرج لنا الرئيس بوتفليقة متكلما حول البطاطا تخيلوا معى متلا اوباما يتكلم حول الجزر او البصل غير معقولة لكننا فى الجزائر الرئيس خرج وتكلم حول البطاطا وانه اعطى اوامره لاستوراد البطاطا من كندا والتى اتضح انها موجه للخنازير اتى بعده وزراءه والدين هم والله غير مسؤولين تماما وغير كفوئين الشعب الجزائرى لن ينتظر مجددا فاصلحوا الاحوال او انتظرو الشعب يتكلم وان تكلم هده المرة فسياتى على الاخضر واليابس كرهناكم والله العظيم كرهناكم

دولة بلا رقابة وحكومة بلا مساءلة والشعب سيعرف كيف سيأخذ حقه حين يبلغ السيل الزبا

عجائب وغرائب, عوض ان ترمي المنشفة و تترك المسؤولية لمن هو اهل لها ..ها انت تخرج علينا بنكتة حيث تلقي المسؤولية على الضحية و انت و امثالك ممن يمارسون سياسة الهروب من الواقع لقد برهنت عن فشلك و اقول لك بان هناك فئة كبيرة من المواطنين ليس لهم ما يفطرون عليه و في الاخير حذاري ثم حذاري فالشعب الجزائري ل يرضى بالذل و المهانة فءن لم تغيرو ما يجب تغييره ولا اقول اصلحو بل غيرو او سيغيرها الشعب على طريقته و يومها لا مكانة ال للشعباا

يا اخي ما لقينا ما نقولو,ماعليش الشعب ليما يسواش,,اخطيونا برك

عندو الحق في واش قال الوزير ، ياخي شعب ياخي ، لوكان السلعة لي تلقاها غالية ماتشريهاش ، دوك ترخس ، التوانسة خير منكم ، زادولهم عشرة دورو فالخبر ، واحد ماشراه حتى رماوه الخبازين .

لو كان شفت الاسواق اليوم كيفاش معمرة ناس تقول جامي كلاو سينورمال الاسعار ترتفع حسبالهم رمضان غير تاع اكل الله يحفضنا

الوزير عندو حق

il a raison et je suis entierement d'accord aec lui
ce peuple si comme n'a jamais manger

معقول . مادمت لم تستطع حل المشكل لمادا لا تستقيل وتترك من له الكفاءة ليحل المشكلة .والله ستبقى الجزائر في الحضيض مادام هؤلاء يسيرون البلاد

لن تعرف الاسعار أي انخفاض لان المواطن االحزائري يفتقر لعامل سلوك المستهلك في السوق بشتى مجالاتهاعكس المواطن الاوربي وهذا شئ معروف في عالم الاقتصاد

السلام عليكم ، ما جاء في حوارك سيادة الوزير يؤكد للمرة المليون أنكم في واد و الشعب الغلبان في آخر ، ماذا فعلت أنت و وزارتك لكسر احتكارالانتهازيين و الأغنياء الجدد من مقيمي المنطقة الخضراء لحماية المواطن المسكين و المغلوب على أمره ؟ هذا الكلام ألفنا سماعه منذ الاستقلال عند قدوم الشهر الفضيل ، لو كانت سيادتكم في مستوى المسؤولية الملقاة على عاتقكم لقدمتم استقالتكم و لكن هيهاة الكرسي ادوخ كما قال الراحل هواري بومدين و ليذهب الشعب الى الجحيم

اذا كان الشعب هو السبب في مشاكل البلاد اذن بدلو الشعب بشعب اخر و خلاص

drabni w bka sbe9ni w chka

أخي الزير السبب واضح و هو انعدام الرقــــابة والحل موجود عندك وحدك وحسبنا الله ونعمى الوكيــــــــل

ههههههههههه شبعتونا كلام ياو كرهنا من كذب تعكم وصح رمضانكم

ملي خلقنا و حنا نسمعو بلي الحكومة رايحة ادير بصح جامي دارت حاجة و الله انا اني هاني خلاص ما نكسرش راسي خلاص و نأمل ادير حاجة علاخاطر ماش عارفين

الوزير عندو الحق ,المواطن يشكي بصح يشري

Je suis entièrement d'accord aec lui

وزير التجارة على دراية بما يجري في بيئة المواطن كونه وزير لا يمنعه من الختلاط بمجتمعنا و هو على حق لان المواطن الجزائري متمسك بمنتوجات منذ الازل مما جعله تحت رحمة التاجر و اسعاره المرتفعة و هذه المشكلة لا تقع على عاتق وزارة التجارة فقط بل هي مسؤولية عامة و كما وضح الوزير سيتم اخد الاجراءات الضرورية لايقاف هذه الخرقات

رقـــــم 1 عجبتني خو ...; تدكرة ب400 £ و الجوية الجزائرية دارت 9 ساعات روتاراليوم هده كدالك نحن المهاجرين السبب في غلاء التدكرة و الروتار 9 سوايع

واش راك حاب نعملوا يا سي الوزير ؟ انت وزير و ما قدرتش عليهم و ما بالك بالشعب الضعيف و لا راك حاب تنوضنا باش نديروا ثورة على التجار... روح تنيني و خلي الشعب ترونكيل نهار نوضوا نحلوا هذا المشكل بطريقتنا...

ربي يهدي تجار

وزير االتجارة يتكلم كمواطن عادي كأنه لا يعرف طبيعة العائلة و المواطن الجزائري ويحملنا مسؤولية إرتفاع الاسعار وربطها بالقاعدة الاقتصادية المعرفة عند العام والخاص و الحقيقة ان الاحتكار وانعدام الرقابة هما السببان الرئسيان في التلاعب بالقدرة الشرائية للمواطن فلو كانت و تعددت مصادر التموين لكنا في احسن الاحوال يا سيدي الوزير

على اي مواطن يتكلم ربما يقصد مواطني نادي الصنوبر